Сулейман-Стальский район Республики Дагестан
www.old.suleiman-stalskiy.ru

Пенсияр софинансировать авунин программадин гьакъиндай

2008-йисан 30-апрелдиз 56-ФЗ нумрадик кваз кьабулай «О дополнительных страховых взносах на накопительную часть трудовой пенсии и государственной поддержке формирования пенсионных накоплений» Федеральный Закон гьа йисан 1-октябрдилай къуватда гьатнава ва пенсионный реформадин цIийи этап башламиш хьанва.

И программадин гьакъиндай чна УПФР-дин Сулейман-Стальский райондин персонофицированный учетдин руководитель Агьмедова Хадижат Мирзоевнадихъ галаз суьгьбет авуна. Агъадихъ чна а суьгьбет гузва.
- Хадижат Мирзоевна, цIийи  и закондин асул макьсад квекай ибарат я?
-  Государстводи вичин накопительный счетдиз агьалийри гуьгьуьллувилелди чпин мажибдикай (ва я маса доходрикай) алава взносар яз пул чара авун теклифзава ва абуруз материальный жигьетдай куьмек гузва, яни гуьгъуьнлай пенсийрал алава пул хуькведа.
- И Программадин иштиракчи никай жеда?
-  Вичин пешедилай ва машгъул жезвай кардилай аслу тушиз, 14 йисалай виниз яш хьанвай гьи касдивай хьайитIани, гьа жигьетдай яз пенсионердивайни.
- Государстводи вичин патай ихьтин дуьшуьшра гьи кьадар пул алава хъийида?
- КIвалахзавай ватандашдин ва гьакIни зегьметдин пенсия тайинарнавай пенсионердин гьар са взносдиз (йисан къене 2 агъзур манатдилай тIимил тушиз ганваз хьайитIа) алава страховой взнос яз ганвай кьадардиз (йисан къене 12 агъзур манатдилай гзаф тушиз) барабар пул государстводи алава хъийида. Пенсиядиз фидай яшдив агакьнавай ва зегьметдин пенсия тайинар  тавунвайбуруз государстводи гайи взносрин кьадардилай 4 сеферда артух пул гуда, амма йисан къене 48 агъзур манатдилай гзаф тушиз.
- Программадин иштиракчи гьикI жеда?
-  Ватанэгьлиди вич яшамиш жезвай чкада авай ПФР-дин сергьятдин органдиз ва я ПФР-ди кьве патайни къулар тестикьарзавай икьрар кутIуннавай организациядиз ва я вичин работодателдилай тайинарнавай къайдадин арза гана кIанда.
- А Программадик мус экечIиз жеда?
- ПФР-ди арзаяр 2008-йисан 1-октябрдилай 2013-йисан 1-октябрдалди кьабулда.
- Пенсиядал алава хъувунин государстводин Программа шумуд йисуз кардик кваз жеда?
- Программа 10 йис патал тайинарнавайди я. Вири и йисара агьалийри ганвай такьатар государстводи софинансировать ийида.
-  Взносар гьикI гуз жеда: гьар вацра ва я мумкинвал хьайи са дуьшуьшда?
-  Эгер агьалиди взносар вичи гуз хьайитIа абур вичиз мумкинвал хьайи гьи вахтунда гайитIани жеда. Месела, августдин вацра 2 агъзур манат ва декабрдин вацрани 10 агъзур манат взнос гуз жеда. Я тахьайтIа йисан варцара са кьадарда аваз гайитIани жеда. Месела, йисан къене гьар вацра 200 манат ва я вацра са агъзур манат. Эгер руководителди (работодателди) кIвалахзавай касдин мажибдикай гуз хьайитIа, абур кхьенвай арзадихъ галаз кьадайвал гуда.
-  И жигьетдай генани ихьтин са суал гуз кIанзавай. Хадижат Мирзоевна, карханадивай вичивай вичин сотрудникдин менфятдиз алава страховой взносар гуз жедани?
-  Эхь, Законди карханадин такьатрикай вичин сотрудникдин менфятдиз взносар яз такьатар чара ийиз кIанзавай руководитель, налогрин жигьетдай кьезилвилер гуналди, руьгьламишзава.
-  Эгер ватандашди вичин пенсиядин накопительный пай государстводинди тушир пенсионный фондуниз элкъуьрнаваз хьайитIа  адавай государстводи софинансировать ийизвай Программадик экечIиз жедани?
-  Эхь. Аник экечIунин къайда вирибур патал сад хьтинди я. Тафават сад я: ихьтин дуьшуьшда  хсуси взносар, государстводи куьмек гун яз чара ийизвай такьатар ватанэгьлиди мажбури пенсионный страхованидин гьакъиндай икьрар кутIуннавай государстводинди тушир пенсионный фондуниз чара ийида.
-  Государстводи куьмек яз чара ийизвай такьатарни кваз ватандашдивай пенсионный пулар (выплаты) мус къачуз жеда?
- Пенсионный бинеяр (основанияр) кардик акатайдалай гуьгъуьниз.
- Жуван пулунин такьатар чара авун тамамвилелди ва я вахтуналди акъвазариз жедани ва и чIавуз софинансированидин сергьятда аваз арадал атанвай пулунин такьатрин кьисмет гьихьтинди жеда?
-  Ватандашдивай пенсиядин накопительный паюниз пул чара авун тамамвилелди ва я вахтуналди акъвазариз ва гьакIни мад давамариз вичиз кIандай вахтунда жеда. Виликдай вичи ва гьакI государстводи чара авунвай пулунин такьатар гележегдин пенсиядин накопительный паюнин хсуси лицевой счетда амукьда.
-   Эгер Программадин иштиракчи вахт жедалди кьена, кIватI хьанвай пулунин такьатар ишлемишиз хьанвачтIа, абурукай маса касдивай менфят къачуз жедани?        
- Эгер Программадин иштиракчи яшар хьайила гузвай зегьметдин пенсиядин накопительный пай тайинардалди ва я адан хсуси лицевой счетдин махсус паюна къейднавай алава пенсионный накопленияр, такьатар (гьа гьисабдай яз хсуси взносар, государстводин куьмекдин такьатар, а пуларилай къвезвай инвестицийрин доход) гьисаба кьуналди, пенсиядин и паюнин кьадар перерасчет ийидалди кьейитIа, адан ирссагьибдивай вахчуз жеда. А такьатар вахчунин къайда РФ-дин Правительстводи 2007-йисан 3-ноябрдиз 742-нумрадик кваз акъудай Постановленида къейднава.
- Хадижат Мирзоевна, и важиблу месэла чи уьлкведа, республикада ва гьакIни, кьилди къачуртIа, чи районда гьикI эцигнава, нетижайри вуч лугьузва?
- Россиядин Федерациядин чIехи пай регионрин ва муниципальный тешкилатрин руководителар чеб софинансированидин государстводин программадик экечIнава, абуру талукь къарарар кьабулнава, 56-ФЗ-нумрадин Федеральный закон уьмуьрдиз кечирмишунин мураддалди кIвалах гузвайбуру (работодателри) ва профсоюздин организацийри эвер гунрал къулар чIугунва. И закон кардик кутунихъ агьалияр патал социальный жигьетдай еке метлеб ава. Идахъ галаз алакъалу яз Дагъустан Республикада авай ГУ – ОПФР-ди чи республикада ам уьмуьрдиз кечирмишуниз куьмек гун тIалабзава.
2009-йисан 31-декабрдалди государстводин софинансированидин программадик 20444 кас чеб страховать авунвайбур экечIнава. Ида республикада яшамиш жезвай агьалийрин кьадардин 0,76 процент тешкилзава. Россиядин Федерацияда и рекъемди 1,4 процент тешкилзава.
2009-йисуз чи республикада агьалийрилай 2,9 миллион манат алава страховой взносар атанва. ДСВ (гуьгьуьллу страховой взносар) вири шегьеррин, гьакIни Ленинский, Советский, Кировский, Табасаранский, Буйнакский, Кизлярский, Гергебильский, Цумадинский ва маса районрин агьалийри ганва.
Чи районда и кIвалахдин еришар лап яваш я. Райондин пенсионный фондунин аппаратдин 24 касдилай гъейри мад гьелелиг арза гайибур авач.
-Тамам жавабрай чухсагьул.
 

Адрес статьи: http://old.suleiman-stalskiy.ru/?com=articles&page=article&id=1546