Сулейман-Стальский район Республики Дагестан
www.old.suleiman-stalskiy.ru

Важиблу месэлайриз килигна

14-декабрдиз «Сулейман-Стальский район» муниципальный райондин депутатрин Собранидин кьуд лагьай сеферда эвер ганвай 17-сессия кьиле фена. Адан кIвалахда райондин Собранидин депутатри, администрациядин управленийрин, отделрин, гьакIни организацийрин руководителри, хуьрерин поселенийрин кьилери, теклифнавай маса юлдашри иштиракна.
Сессия муниципальный райондин Кьил, депутатрин Собранидин Председатель Имам Музамудинович  Яралиева ачухна ва кьиле тухвана.
Сессиядал агъадихъ галай месэлайриз килигна:
1. «2010 ва 2011-2012-йисарин пландин девирда «Сулейман-Стальский район» муниципальный райондин бюджетдин гьакъиндай».
2. «Сулейман-Стальский район» муниципальный тешкилатдин Уставдик дегишвилер ва алаваяр кухтунин гьакъиндай» депутатрин Собранидин решенидин проектдин гьакъиндай».
3. «Муниципальный райондин депутатрин Собраниди 2007-йисан 14-декабрдиз кьабулай 8-нумрадин ва 2008-йисан 28-апрелдиз кьабулай 33-нумрадин решенийрик дегишвилер кухтунин гьакъиндай».
4. Жуьреба-жуьре месэлаяр.
- Гьуьрметлу депутатар ва сессияда иштиракзавай юлдашар! – лагьана сифте гаф рахай Имам Музамудиновича, – къвезвай 2010-йис патал Россиядин Федерациядин ва Дагъустан Республикадин бюджетар тестикьарнава. Муниципальный райондин Уставдихъ ва муниципальный образованида бюджет арадал атунин Положенидихъ галаз кьадайвал бюджетдин проект алай йисан 7-декабрдиз райондин газетда чапнай, агьалияр адахъ галаз танишарнай. Бюджетдиз килигунин ва кьабулунин тестикьарнавай графикдихъ галаз кьадайвал, къенин сессиядал бюджетдин проект сад лагьай сеферда кIелнавайди яз кьабулзава, 28-декабрдиз кьвед лагьай, эхиримжи сеферда кIелнавайди яз кьабулда. ИкI хьайила, виликан йисарилай тафаватлу яз, цIийи 2010-йисаз чун тамамвилелди кьабулнавай бюджет гваз гьахьзава.
Сад лагьай месэладай доклад авун патал гаф райондин финансовый управленидин руководитель Рагьимов Магеллан Темирхановичаз гана.
Докладдилай гуьгъуьниз И. М. Яралиева лагьайвал, бюджет арадал атунин Положенидихъ галаз кьадайвал контрольно-счетный палатади бюджетдин проектдин заключение гьазурун лазим я.
Сессиядал гаф контрольно-счетный палатадин председатель Эскеров Къехлер Къазимегьамедовичаз гана.
Сессиядал, депутатри сад хьиз сесер гуналди 2010 ва 2011-2012-йисарин пландин девирда муниципальный райондин бюджетдин проект кьабулна.
- Гьуьрметлу депутатар, - давамарна сессия тухузвайди тир Имам Музамудиновича, - алай йисуз «Россиядин Федерацияда чкадин самоуправление тешкилунин умуми къайдайрин гьакъиндай» Федеральный закондик са жерге дегишвилер ва алаваяр кухтуна. Гьавиляй чна федеральный законодательствойрихъ галаз кьадайвал муниципальный  райондин Уставни къайдадиз гъун лазим я.
И месэладай гаф Абдулазизов Рамазан Абдулалимовичаз гана.
Сад лагьай сеферда кIелнавайди яз сессиядал решенидин проект кьабулна ва ам, кухтунвай дегишвилерни кваз райондин газетда чапда.
Сессиядал муниципальный райондин администрацияди Собранидин «Чилин налогрин гьакъиндай» решенидик дегишвилер кухтунин гьакъиндай депутатар килигун патал теклиф гъана. Кухтазвай дегишвилерикай райадминистрациядин экономикадин управленидин начальник Муталибов Рамиз Абдулашимовича информация гана.
Гъанвай теклифдин решенидин проектни кьабулна.
Сессиядал гьялай  вири месэлайриз Имам Музамудинович Яралиева дериндай анализ гана, район ва агьалияр патал абурухъ авай еке метлеб къейдна.
Сессиядал килигай месэлайрай  кьабулай къарарар  агъадихъ гузва.
 

Адрес статьи: http://old.suleiman-stalskiy.ru/?com=articles&page=article&id=1402