ЦIаяр кьунин, кIвалер кунин дуьшуьшар веревирд авурла, малум жезвайвал, чIехи пай ихьтин дуьшуьшар хуьруьн чкайра авай яшайишдин кIвалера жезва. Бязи вахтара ихьтин дуьшуьшра инсанар телеф жезва ва я абурун сагъламвилиз еке хасаратвилер гузва, еке материальный зиянар жезва.
Тежрибади къалурзавайвал, яшайишдин кIвалера цIай кьунин дуьшуьшар асул гьисабдалди яшайишда цIаяр кьуникай хуьнин истемишунрал амал тавунин нетижада жезва. И кардин асул себебарни гзаф йисара пичер ва гурмагъар эцигунин, абур ишлемишунин карда истемишзавай къайдайрал амал тавун, чимивал гузвай приборрикай менфят къачунин истемишунар кваз такьун, чимивал гудай ва гьакIни газдин пичерикай менфят къачунин къайдайрал амал тавун я. ГьакIни гзаф вахтара аялар гуьзчивал авачиз цIув къугъунин, пIапIрус чIугвадайла цIай кьуникай хуьнин истемишунрал амал тавунин дуьшуьшар жезва.
Алай аямдин яшайишдин кIвалерин кьетIенвал адакай ибарат я хьи, кIвалера газдин линияр, яшайишда ишлемишдай электроприборар, фад цIай кьадай химиядин ва синтетикадин шейэр, гьакIни мебель ва кIвалер чеб тадаракламишнавай гзаф шейэр ава. ЦIай кьунин хаталувал генани а карди артухарзава хьи, госпожнадзордихъ галаз меслят тахьана кIвалер эцигунин кIвалах къвердавай гегьенш жезва. Анра талукь цIай кьуникай хуьдай тадаракарни эцигзавач.
Вири и крари яшайишдин секторда цIаяр кьуникай хуьнин профилактикадин кIвалахда цIийи форматрикай ва къайдайрикай менфят къачун гегьеншарун истемишзава.
Пожарный охранадин яшайишдинни коммунальный тешкилатрин работникрихъ галаз сад хьиз и жигьетдай агьалияр гъавурда тунин карда организацийрин ва карханайрин руководителри, гьакIни кIелдай идарайрин муаллимрини активвилелди иштиракна кIанда.
И серенжемар гегьеншарунин чарасузвал мадни а кардихъ галаз алакъалу я хьи, алай йисан I-октябрдилай 3I-ноябрдалди чи республикада инсанар гьамишанда яшамиш жезвай ва гзаф кьадарда аваз жезвай чкайра цIаяр кьуникай хуьнин хатасузвал мягькемарунихъ рекье тунвай «Жилище» операциядин 2-пай давам жезва.
Гьавиляй цIаяр кьунин дуьшуьшар арадал татун патал цIаяр кьуникай хуьнин хатасузвилин эвелимжи истемишунрал кIевелай амал авун герек я. Яни экверин линийра чIехи нагрузка туна, са розеткадик са шумуд электроприборар (чайдан, уьтуь, электроплитка ва масабур) кутуна кIандач. Экверин линийра изоляция алатнавай, цIелхем къарагъдай чкаяр, абур фад цIай кьадай шейэрив агатна хьуниз рехъ гана кIандач.
ЧIурузвай пичера цIай хъувуна, абур гуьзчивал алачиз туниз, аялар спичкайрив къугъуниз рехъ гана кIандач.
Яшайишдин кIвалера цIаяр кьунин дуьшуьшар тахьун таъминарунин кьилин шартIар электролинияр, электрогазовый приборар къайдадик кваз ва абур гуьзчивилик кваз хьун ва абурукай менфят къачудайла цIаяр кьуникай хуьнин истемишунрал ва къайдайрал амал авун я.
Герек дуьшуьшра агьалийривай агъадихъ галай ихтибардин телефонрикай менфят къачуз жеда.
Телефон доверия ГУМЧС РФ по РД (8872) 69-99-99
Телефон доверия ЮРЦ МЧС РФ (88632) 406-610.
Р. А. Рамазанов, С. Стальский райондин ОГПН-дин начальник, къенепатан къуллугъдин капитан