«Зи чан Вичиз къурбанд Тирдал кьин хьурай, эгер Аллагь-Таала рикIел алаз Сив хуьзвайдан сивяй къвезвай ял багьа атиррилай хъсан туштIа».
«Аллагь рикIел алаз сив хвейи гьар са йикъа сив хуьзвайда вич жегьеннемдин цIун ялавривай 70 йисан къене атIудай мензилдиз яргъа ийизва».
«Рамазандин вацран эхиримжи цIуд йифериз пайгьамбарди гзаф дуьаяр ийидай. Дуьаяр авун патал ада вири хзан ахварай авуддай, хийирдин гзаф кIвалахар тамамардай».
«Сив хуьнин вацра ни таб-гьилле авун давамарзаватIа, тапан шагьидвал ийизватIа, ада вич гьавайда недайдакайни хъвадайдакай атIузвайди я» (яни ада хвейи сивер Аллагъ-Таалади кьабулдач).
«Нелай жуваз писвал авурдаз жаваб гуз жедайла, ажугъ хуьз алакьайтIа, адаз эхирзамандин юкъуз Аллагь-Таалади вири инсаниятдин вилик вичин кьилив мурад хкягъун патал эверда».
«Вири Рамазандин вацра сив хвена, сувар алатайдалай кьулухъ Шаввалдин вацрани ругуд юкъуз сив хуьн хъувурдаз Аллагь-Тааладин патай са асирда сивер хвейи кьван сувабар жеда». (Галаз-галаз ругуд юкъуз сив хуьнал шартI алач, сив хвейи вири йикъ¬ар ругуд хьана кIанда.)