За «Сулейман-Стальский район» муниципальный райондин, райондин депутатрин Собранидин, администрациядин ва кьилди жуван патай вири районэгьлийриз Сив хуьнин сувар рикIин сидкьидай мубаракзава.
Къуй гьар са мусурман патал виридалайни метлеблубурукай сад тир и суварин йикъар инсан руьгьдин жигьетдай мадни хкаждай, къени крар ийидай ва патав гвайбурун патахъайни къайгъу чIугвадай йикъариз элкъуьрай. Зун инанмиш тирвал, исламдин руьгьдинни ахлакьдин ивирри гележегдани яратмишунин кардиз, райондин халкьар сад садан гъавурда акьуниз, абурун арада дуствал ва меслятвал артух хьуниз къуллугъда.
Заз вири районэгьлийрихъ мягькем сагъламвал, ислягьвал ва хушбахтвал хьана кIанзава. Куьне хвейи сивер Аллагьди кьабулрай.
«Сулейман Стальский район» муниципальный райондин Кьил И. Яралиев