Малум тирвал, «Сулейман-Стальский район» муниципальный райондин 2009-йисан I-июндиз 97-нумрадик кваз кьабулай депутатрин Собранидин «О мерах по материальному стимулированию студентов вузов республики, уроженцев Сулейман-Стальского района, достигших особых успехов в учебе» къарардин бинедаллаз Дагъустанда авай вузрин лап хъсан кIелзавай студентриз гьевесламишзавай гьар йисан премия тайинарнава.
И премия райондай са шумуд студентдиз гана, гьабурун жергеда ДГУ-дин физический факультетда лап хъсан къиметар аваз кIелзавай чи хва Алисултанов Заур Замировични ава.
Чи аялрин патахъай ихьтин къайгъударвал ийизвай муниципальный райондин Кьил, райондин депутатрин Собранидин Председатель И. М. Яралиеваз студентрин, диде-бубайрин ва кьилди чи хзандин патай чухсагъул лугьузва.