Дагъустан Республикадин милли политикадин ва къецепатан алакъайрин министерстводин, РФ-дин юстициядин министерстводин Россиядин правовой академиядин Кеферпатан Кавказдин филиалдин ва динрин, культурадин, илимдин ва образованидин Фондунин куьмекни галаз мукьвара Дагъустан Республикадин динрин рекьяй Гьукуматдин комитетди «Дагъустан – ислягьвилин ва меслятдин территория» темадай республиканский конкурс кьиле тухвана. Ана илимдин, публицистикадин ва динрин месэлайрай кхьенвай 100-далай виниз авторрин кIвалахрин нетижаяр кьуна. НуьцIуьгърин юкьван школадин тарихдин ва праводин тарсар гузвай муаллим Рамазанов Абдулаким Шагьпазовича кхьенвай «Жегьилрин уьмуьрда намусдин азадвал» кIвалахдиз жюриди еке къимет гана. А. Ш. Рамазанов Дагъустан Республикадин динрин рекьяй Гьукуматдин комитетдин председатель А. Мегьамедован къул алай Чухсагъулдин чар гуниз лайихлу хьана.
И агалкьун мубарак авунихъ галаз санал, чаз Абдулаким Шагьпазовичахъ кIвалахда ва яратмишунрин рекье мадни чIехи агалкьунар хьана кIанзава.