850 майишат авай, 2542 кас агьали яшамиш жезвай ДаркIуш къазмаяр районда чIехи хуьрерикай сад я. ЧIехи жемятдихъ чIехи игьтияжарни жеда. Агьалийрин къуллугъда алишверишдин, образованидин, культурадин, медицинадин, административный хейлин идараяр акъвазнава. Мукьвара хуьре Ибрагьимов Магьарама цIийи пекарня ачухна.
- Пекарня кардик акатна кIвалахиз хьанвайди 2 варз я, - лугьузва М. Ибрагьимова. – Гьелелиг чна кьве жуьредин 200 фу ва 100 тIунутI чразва. Гележегда чахъ акъудзавай продукциядин кьадар ва жуьреяр артухардай фикир ава.
Фу чразвай З. Къараханова, Ж. Ибрагьимова ва Л. Къарахановани чпин везифайрив жавабдарвилелди эгечIзава.