1. Районда санлай кьурла акьалтзавай несил къанажагъдинни ахлакьдин, руьгьдинни ватанпересвилин бинейраллаз тербияламишунин жигьетдай тухузвай кIвалах разивал ийиз жедайди яз гьисабин.
2. Инлай кьулухъни муниципальный райондин Кьилин патав гвай агъсакъалрин Совет, хуьрерин агъсакъалрин Советар, вири общественный тешкилатар, райондин имамрин Совет, умуми образованидин ва спортдин школаяр, культурадин идараяр, райондин идарайрин ва организацийрин руководителар ва жавабдар работникар патал и месэла виридалайни важиблуди яз гьисабин, гьикI хьи, и месэла дуьз гьялунилай чи райондин ва чи халкьдин гележег гзаф аслу я.
3. Хуьрерин агъсакъалрин Советриз и месэладиз чпин заседанийрал килигун ва чкайрал талукь кIвалах хъсанарунин жигьетдай алава серенжемар кьабулун теклифин.
4. И месэладай ва гьакIни чи халкьдин хъсан адетрин жигьетдай агъсакъалрин Советдин членар, духовенстводин халкьдин арада гьуьрмет авай векилар, чешнелу диде-бубаяр, руководителар, зегьметчи коллективрин векилар чкадин газетдин чинрилай ва гьакIни телевиденидай халкьдин вилик мукьвал-мукьвал экъечIин.
5. Агъсакъалрин Советдин заседанийрикай садал «Патриотическое воспитание граждан в Российской Федерации на 2006-2010 годы» государстводин программа уьмуьрдиз кечирмишунин кIвалах кьиле тухузвай гьалдиз килигин, и программадай кIвалах хъсанарун патал серенжемар кьабулин.
6. Вири и месэлаяр галай-галайвал гьялун общество авай гьалдилай гзаф аслу тирди фикирдиз къачуна, агъсакъалрин Советди райондин руководстводихъ галаз санал кIвалахар кьиле тухунин низам, къайда, гьукумдин ва идара авунин органра, уьмуьрдиз къуллугъдай чкайра чпин хсуси месэлайрин патахъай агьалийрин эвер гунар ва истемишунар кьилиз акъудунин карда къайда, михьивал тун таъминарун патал алава серенжемар кьабулин.
7. РУО-диз умуми образованидин директорриз хуьрерин агъсакъалрин Советрихъ галаз санал мектебда викIегьвилин тарсар ва ахлакьдинни ватанпересвилин темайрай суьгьбетар тухун патал еке тежриба, халкьдин арада гьуьрмет авай агьалияр желб авун теклифун меслят гъин.
8. Винидихъ къейднавай ва гьакIни экономикадин, яшайишдин, политикадин тербиядин, идеологиядин ва маса месэлаяр гьялун патал райондин общественный организацийрин роль хкажин, иллаки чи шартIара агъсакъалрин Советрин, ветеранрин, запасда ва отставкада авай офицеррин, абур хуьрера къулай гьалар, низам, къайда ва михьивал хуьн таъминарунал, тербиядин кIвалах гужлу авунал, чилин, эцигунрин законодательствойрин истемишунрал амал авунал ва гьакIни шадвилинни пашманвилин мярекатрал, чи адетар хуьн таъминарунал желб ийин.
9. Агъсакъалрин Советрин векилар винидихъ къейд авунвай вири месэлайрай чпин кIвалах активламишин, гражданвилин ислягьвал, меслятвал хуьн таъминарунин, гьукуматдин милли политикадин, райондин экономикада, культурада арадал къвезвай агалкьунрин жигьетдай уьлкведа, республикада ва гьакIни райондин руководстводи кьиле тухузвай политикадин асул рекьерикай информацияр гваз зегьметчи коллективра ва райондин школайра мукьвал-мукьвал жен.
10. И къарар райондин «Куьредин хабарар» газетда чап ийин.