Гьуьрметлу ватанэгьлияр! Гьуьрметлу дустар!
Сулейман-Стальский райондин Алкьвадрин хуьре (2009-йисан сентябрдин юкьвара) Алкьвадар Гьасан-эфендидин музей ачухунихъ галаз алакъалу яз «Сулейман-Стальский район» муниципальный тешкилатди квез арадал гъизвай музейдиз Алкьвадар Гьасан-эфендидин, адан чIехи бубайрин, невейрин ва алай аямдин векилрин уьмуьрдихъ ва кIвалахрихъ галаз алакъалу чарасуз тир материалар ва гьакIни яшайишдихъ, а девирдин тарихдихъ, культурадихъ галаз алакъалу шейэр кIватIунин карда куьмек авуниз эвер гузва.
Чи райондин гьакъиндай тарихдин делилар хуьн патал куьмек гудайбуруз чна санал кIвалах авуниз буюрзава. Анжах къуватар сад авуналди чавай Алкьвадар Гьасан-эфендидин музей фикир желбдайди ва чи гуьзел макандин алатай тарихдикай чи чIехи просветителрин илимдин агалкьунрикай дуьз делилар къачун ва экспонатрихъ галаз таниш хьун патал гзаф инсанар къведайди ийиз жеда.
Алакъаламиш жедай адрес: «Сулейман-Стальский район» муниципальный тешкилатдин культурадин, информациядин ва печатдин управление.
(тел: 3-13-73, 3-13-31, e-mail: kure@suleiman-stalskiy.ru)