Акьуллу, чIехид-гъвечIид чидай, СтIал Сулеймана лагьайвал, ферли веледар хьунал гьар са диде-бубади дамахда. Школада хъсандиз кIелзавай, низам авай аялни гьакI я-адаз гьам муаллимри, гьам школьникри гьуьрмет ийида. Цмуррин юкьван школадиз фейила, чун гьа ихьтин са рушахъ галаз анин директор, Дагъустан Республикадин лайихлу муаллим Нариман Агъабегова танишарна.
Ам 10-классдин ученица Абду-селимова Гьавахалум я. Школадин отлич-ница, общественный кIвалахра, ахлакьдин рекьяйни вич амайбуруз чешне тир руш.
Малум хьайивал, Гьавахалума сифте-гьан классдилай башламишна вири пред-метрай анжах «5» къимет аваз кIелзава. Вири тарсаризни ам гьар юкъуз хъсандиз гьазур хьана, кIвализ гайи тапшуругъар тамамарна къвезва. Идалайни гъейри, Гь. Абдуселимовади тарсарай агакь тийизвай школьникризни куьмекар гузва.
Гь. Абдуселимовади вичихъ кIелунин рекьяй дерин чирвилер авайди гьар йисуз райондин школьникрин олимпиадайра къалурзава. ИкI, 2007-2008-кIелунин йисуз ада химиядай ва алай йисуз матема-тикадай райондин олимпиадайра 1-чкаяр кьуна.
- Гьакъикъатдани, Гьавахалум чи школадин дамах я, - лугьузва Н. Агъабегова. – Вичи хъсандиз кIелунилай гъейри, ада школада тухузвай вечерра, маса мярекат-рани активвилелди иштиракзава. Гьавиляй адан шикил «школадин активистар» стендда-ни ава.
Гь. Абдуселимовадихъ гележегда муал-лимвилин пеше хкягъунин мурадни ава.
- Зи фикирдалди, муаллимар вири-далайни бахтлу, чеб гьуьрмет авуниз ла-йихлу инсанар я, - лугьузва Гьавахалума. – Вучиз лагьайтIа, инсанрикай алимар, космонавтар, духтурар, чIехи дережайрин гьакимар, гьар пешейрин сагьибар хьун – им муаллимрин зегьметдин нетижа я.
… Цмурар кьегьал рухвайринни баркаллу рушарин макан тирди виридаз малум я. Гьавахалум Абдуселимовади гележегда абурун жергеяр артухарун чи мурад я.