И йикъара 62 йисан яшда аваз чи арадай вичин вири савадлу уьмуьр хайи Ватан хуьнин кардиз бахш авур запасда авай полковник Селимов ТIайиб Мегь-тиевич гьамишалугъ яз акъатна. И къайи хабарди адан багърийрин, ярар-дустарин рикIер къарсурна.
ТIайиб Мегьтиевич 1946-йисуз Бакуда вичин бине чи райондин Асалдхуьряй тир машгьур буругърин устIар Мегьтидин хзанда дидедиз хьана.
1964-йисуз Кьасумхуьруьн сад лагьай нумрадин юкьван школа акьалтIарай ада 1970-йисуз Ташкентда авай обще-войсковой высший командный училище яру дипломдалди куьтягьна.
Ада сифте Туркестандин военный ок-ругда батальондин командирвилел кьван, гуьгъуьнлайни ГДР-да авай Советрин Армиядин кьушунрин группада къул-лугъна.
1979-1981-йисара Москвада М. Ф. Фрунзедин тIварунихъ галай общевой-сковой академияда кIелна. Майордин чин авай жегьил офицер Советрин военный пешекаррин группадин штабдин начальник яз Конгодиз рекье туна.
Вахтундилай вилик подполковник-вилин чин гайи ада 1985-йисалай 1992-йисалди Петрозаводскда армиядин штабдин оперативный отделдин началь-никдин заместитель яз кIвалахна.1988-йисуз адаз полковниквилин чин гана.
1992-йисалай Россиядин армияда военный подразделенияр тIимиларунихъ ва вичин сагъламвилин гьал зайиф хьуниз килигна, генералвилин къуллугъдал алай ТIайиб Мегьтиевич запасдиз экъечIна.
Адан гзаф йисарин намуслу зегьмет гьукуматдин cа жерге наградайралди къейднава.
Гьар са чIавуз масадаз куьмек гуз гьа-зур, адалатлу хзандин кьил, хуш къилихрин инсан тир Селимов ТIайиб Мегьтиевич чна и мугьман дуьньядилай вичин эхиратдин кIвализ рекье туна. Къуй ваз накьвадикай хъуьтуьл памбаг хьурай, ваз Аллагьдин регьмет хьуй.
Селимов ТIайиб Мегьтиевич чи арадай акъатунин хажалатдин пар паюналди, чна адан хзандиз, мукьва-кьилийриз башсагълугъвал гузва.
Адан экуь къамат чи рикIера гьамишалугъ яз амукьда.
