Мукьвара Венгриядин Дебрещина шегьерда боксдай Иштван Бешкаян тIварунихъ галай чIехи турнир кьиле фена. Ана Россиядин, Кубадин, Венгриядин, Монголиядин ва маса уьлквейрин хкянавай командайри иштиракна. 60 килограммдин заланвиляй Россиядин командадин патай рингдиз Альберт Селимов экъечIна. Ада Норберг Орсолодин, Миклаш Вороян (кьведни Венгрия) ва финалда Монголиядай тир Эихзориг Зоригбаотаран винел 9:2 гьисабдалди гъалибвал къачуналди, турнирда 1-чка кьуна.
Лагьана кIанда хьи, А. Селимов и турнирда лап хъсан боксер язни гьисабна.
Мадни, и турнирда Дагъустандай тир Артур Бетербиева (81 кг.) ва Шамиль Гьажиева (91 кг.) 2-чкаяр кьуна.