Алай йисан 1-апрелдилай Россияда зегьметдин пенсиядин страховой пай 17,5 процентдин артухарнава. Идаз талукь къарардал РФ-дин Премьер-министр Владимир Путина къул чIугуна.
Идалай гъейри, алай йисуз Россиядин агьалийрин пенсияр мад кьве сеферда артухар хъийида. ИкI, 1-августдилай планламишнавайдалай алава яз зегьметдин пенсиядин страховой пай 7,5 процентдин артухарда (индексация хъийида). Ахпа зегьметдин пенсиядин дибдин пай ва социальный пенсия алай йисан 1-декабрдилай 31,4 процентдин индексация ийида.