Ингье Ст1ал Сулейманан 140 йисан юбилейни атана агакьзава. Хуьрера адан тарихдиз талукьарнавай шадвилин мярекатар кьиле тухузва. Виринра сад хьиз куьчеяр, рекьерин къерехар, идарайрин къваларив гвай чкаяр михьзава.
Ст1ал Сулейманан ватан тир Агъаст1алдал михьивилерин к1валахар къизгъиндаказ кьиле тухузва. Гьар киш юкъуз ана авай школадин, аялрин бахчадин, ЗАО «Ашагастальский» совхоздин, муниципальный тешкилатдин, амбулаториядин работникри сад хьиз экъеч1на михьивилин к1валахар кьиле тухузва.
Ихьтин михьивилерин к1валахар гьак1 Ц1ийихуьруьн юкьван школади Ц1ийихуьруьн кьилихъ галай обелискдал, Герейханован хуьре, Алидхуьрел, Кьасумхуьрел ва гзаф маса чкайра тешкиллувилелди кьиле тухвана.
Шикилдай аквазвайбур амбулаториядин работникрин са десте я.