Къе, 30- апрелдиз, пожарный охранадин къуллугъдин 360 йис тамам хьана. И суварин вилик квай йикъара чун Сулейман- Стальский районда авай 25- нумрадин горнизондин пожарный къуллугъдин начальник, къенепатан къуллугъдин майор Агъаметов Мегьамед Алиметовичахъ (шикилда) галаз гуьруьшмиш хьана, адавай са шумуд суалдиз жаваб гун тIалабна.
- Мегьамед Алиметович, сифтедай заз вуна пожарный охранадин къуллугъдин тарихдикай са- кьве гаф лагьанайтIа кIанзавай.
- Чи къуллугъдихъ 360 йисан тарих ава. Россияда гьеле 1649- йисан апрелдиз пожарный крарихъ галаз алакъалу кьве документ кьабулнай. Дагъустанда и къуллугъ 1906- йисуз тешкилнай.
РФ- дин Президентдин Указ-дин бинедаллаз 2002- йисан январдилай и къуллугъ (вилик-дай ам МВД- дин къурулушдик квай) МЧС- дик кутуна.
Аквазвайвал, кьетIен гьала-рин, аварийрин, гьакI цIаярин вилик пад кьунин сад тир государстводин къуллугъдихъ еке, баркаллу тарих ава.
- Сувар мубаракрай. Гила заз вуна куь пожарный охранадин частунин кIва-лахдикай лагьанайтIа кIан-завай.
- Сувар мубарак авунай чух-сагъул. Чи частунин везифай-рикай рахайтIа, чна Кьурагь, Агъул,Хив ва чи районриз къуллугъзава. Общественный ва хсуси девлетар, агьалийрин уьмуьр ва сагъламвал, абурун ва государстводин эменни цIукай хуьн- ибур чи асул везифайрик акатзава. И рекьерай кIвалах тухузватIани, гьалар рикIерик шадвал кутадайбур туш. ИкI, алай йисан алатнавай девирда Эминхуьре са кIвалерин кьвед лагьай мертеба, Испика яша-йишдин дараматдин кьве кIвал ва Хивда са кIвалер цIай кьуна кана, иесийриз еке зарар хьана.
- Багъишламиша, гаф кватай чкадал ихьтин са кардикайни хабар кьаз кIанзава. КIвалера цIай кьурла еке зиянарни жезва. Абур арадал ни хкизва? Яни, хьайи зияндай пул вахкузвани?
- Хьайи зияндай пул эгер яшайишдин кIвалер, общест-венный дараматар ва я эменни страховать авунваз хьайитIа вахкузва. Гьайиф хьи, гзаф агьалийри и кардиз фикир гузвач, яни кIвалер, эменни страховать ийизвач. ЦIай кьуна ва я бедбахтвилин маса дуь-шуьшдик кIвалериз, эменнидиз, маса дараматриз зиянар хьайи-ла, инсанар хьайи зарардай пул вахчун патал райондин адми-нистрациядиз, районда авай ГО- дин ва МЧС- дин отделдиз, «Райгосстрахдиз», гьа гьисаб-дай яз чи патавни къвезва. Страховать авунвачтIа, кIвале-риз, эменнидиз зиян хьана лагьана пул вахкуз жезвайди туш. Чна винидихъ къалурай кIвалера цIаяр кьур дуьшуьшра райондин руководстводи абуруз куьмек яз пул гана, тикрарзава-куьмек яз. Бюджетдик ихьтин чIуру дуьшуьшра хьайи зияндай вахкудай пул кутунвач. ГьакI хьайила, гьар са касди вичин кIвалер, маса дараматар, эменни, машинар, тракторар «Росгосстрахда» сраховать авун лазим я. Адан отдел Кьасум-хуьрелни ала.
Страховать авуниз виликдай хьиз мажбуриз жезвач. Закондин бинедаллаз, страховать авун гьар садан хушунин кар я.
Чна мад сеферда тикрарзава: кIвалер, эменни…страховать ая. Тахьурай, са чIуру кIвалах хьайитIа, зарардай пул вахчуз жедайвал.
- Мегьамед Агъаметович, куь частунин работникри цIаяр кьунин ва чIуру маса дуьшуьшар тахьун патал вуч кIвалах тухузва?
Лагьана кIанда хьи, общес-твенный дараматра, яшайишдин кIвалера, эменнида цIай кьунрин вилик пад кьун патал чна агьалийрин арада профилак-тикадин кIвалах тухузва. ИкI, алай йисан 4 вацран девирда чна 2020 касдин арада гъавурда тунин кIвалах тухвана, яша-йишдин 518 кIвале цIаяр кьунрин хатасузвилерал амал ийизвай гьал ахтармишна, 245 касдиз цIаяр кьунрин вилик пад кьун патал тухун лазим тир къайдаяр ва кIвалахар къалур-навай бюллетенар гана.
Санлай къачурла, чи частуна 30- дав агакьна пешекарри кIвалахзава, 5-6 касдикай ибарат тир чи частунин бригадаяр (абуру 4 сменада кIвалахзава) югъ-йиф лагьун тавуна, гьамиша гьазур яз акъвазнава.
Гьелбетда, кIвалахда четин-вилерни гьалт тавуна амукь-завач. Чи къуллугъдин юбилей-дихъ галаз алакъалу яз раха-дайла, заз абурукай лугьуз кIанзавач. Абур чна арадай акъудда, кIвалах хъсанарун патал чалишмишвал ийида.
Эхирдай чаз, герек атайла зенг авун патал, агьалийрин фикирдиз чи телефонрин нум-раяр гъиз кIанзава: моб. тел. 923457, 923320. т. 3-17-47 ва я 01.
- Квез мад сеферда пешекар-вилин сувар мубаракрай!
- Чухсагъул.