24-апрелдиз райадминистрациядин заседанийрин залда «Сад тир Россия» партиядин районда авай отделенидин гьахъ-гьисабдин конференция кьиле фена. Адан кIвалахда «Сулейман-Стальский район» муниципальный тешкилатдин Кьил И. М. Яралиева, РД-дин «Сад тир Россия» партиядин региональный отделенидин векил, РД-дин Халкьдин Собранидин депутат, Тахо-Годидин тIварунихъ галай илимринни ахтармишунрин педагогикадин институтдин директор, академик Гь. И. Мегьамедова иштиракна.
Конференция «Сад тир Россия»» партиядин райондин отделенидин политсоветдин заместитель К. С. Камалова ачухна ва гьахъ-гьисабдин доклад авуна. Ада вичин докладда партияди гьа жигьетдай чи районда авай отделениди авур кIвалахдикай, вилик акъвазнавай везифайрикай гегьеншдиз лагьана.
Докладдин винел мандатный комиссиядин председатель Р. Рагьманов, ревизионный комиссиядин председатель Э. Гьажиев, РУО-дин начальник Ж. Асланов, ЦРБ-дин кьилин духтур М. Ханбалаев, райондин хуьруьн майишатдин управленидин начальник М. Бабаев, «Сад тир Россия» партиядин чкадин отделенидин исполкомдин руководитель Б. Ширинов, Гь. Мегьамедов ва эхирдай И. Яралиев рахана. Абуру вирида сад хьиз РФ-дин «Сад тир Россия» партиядин векилри, кьилди къачуртIа В. Путина ийизвай кIвалахдиз еке къимет гана.
Конференциядин эхирдай «Сулейман-Стальский район» муниципальный тешкилатдин Кьил И. М. Яралиев кваз 7 касдикай ибарат яз цIийи политсовет, ДР-дин «Сад тир Россия» региональный партиядин конференциядиз, чинеба сесер гуналди, 4 кас делегатар хкяна.
