Сад-кьве юкъуз турла, нек цуру жезва. Амма кьве юкъуз ваъ, ам кьве секундда цуру ийиз ва къафундиз элкъуьриз алакьда. И кар патал некIедиз са тIимил сирке яна кIанда. Гьасятда къафун хкатда. Къафун-им казеин, некIедин белок я. Ам некIеда, це шекер хьиз, цIранва. Амма вичихъ ягълу галаз казеин чара хьун патал некIедиз кислота ягъун бес жезва.
Амма некIедиз кислота сада¬ни ягъ тавуртIани, нек цуру жез¬ва. Вучиз?
И кардин себеб гьамиша гьавада авай хемирдин ери авай куьлуь затIар я. НекIедиз аватайвалди, абур чпин кIвалах ийиз эгечIзава ва некIедин шекер некIедин кислотадиз элкъуьрзава. Кислота акатай некIедикай къафунни жезва. Нек цуру тахьун патал ргана кIанда. Ргай чIавуз хемирдин жуьредин куь¬луь затIар рекьизва.
Нек ргадай чIавузни къафун¬диз элкъведай вахтар жезва. Идан себебни ам я хьи, чна винидихъ лагьанвай куьлуь затIар чпин кар ийиз агакьнава ва кислотани арадал атанва.