Аквадай гьаларай, дуьньяда виридалайни аламатдин суьрсет-им гьайванди вичин шарагриз гузвай нек я.
НекIедик мускулар, хам, cap, пацарин кикер, сарар-кIирер арадал гъизвай емлу затIар ква. НекIеди зайиф асландин шараг вичин гьараюни рагар къарсурдай зурба вагьшидиз элкъуьрзава. Гьакьван зурба китдини сифте хъвазвайди нек я.
НекIедик шарагдиз герек тир вири шейэр ква: гьам яд, гьам ягълу, гьам шекер, гьам белок, гьам кьелер, гьамни витаминар.
Ягълу некIедин винел стIал-стIал хьана акъвазна жеда. Ягълу целай кьезил тирвиляй, ам цин винел кьазва. Къаймах юзурайла, дуьдгъвер арадал къвезва: юзурай чIавуз ягълудин стIалар сад-садак кикIизва ва цивай къакъатзава.
Дуьдгъвер, гьа къаймах авай птулка яргъалди юзурайла, квевайни арадал гъиз жеда.