Автомобилрин рекьера транспортдин гьерекат хатасузди, абуру тухузвай пассажиррин уьмуьр саламатди авунин везифа хивевай чIехи подразделенийрикай сад ГИБДД я.
Гьелбетда, сифтени- сифте адан вилик эцигнавай везифайрин метлеб автомобилрин рекьера чIуру дуьшуьшар кьилел атунин вилик пад кьун, нетижайрин агъурвилер жезмай кьван тIимиларун я.
Чи райондин автомобилрин рекьера хатасузвал таъминарунин месэла, гьамиша хьиз, гилани хцидаказ вилик акъвазнава.
Статистикади къалурзавайвал, гьам республикада, гьамни чи районда рекьера дуьшуьшар кьилел атунин кьадар йисандавай- суз артух жезва. И туькьуьлвилерин себебрикай сад транспортдин технический гьал дуьз тахьун я.
Малум тирвал, «Кавказ» Феде-ральный автомобилрин рекьелай Кьасумхуьрел хкведайла АгъастIалдал хъфизвай къекъуьндал автомобилрин технический килигунар ийидай пункт ачухнава. И йикъара чун и пунктунин иеси- кьилдин карчи Муртузалиев Фаик Абасовичахъ галаз гуьруьшмиш хьана ва адавай чпин кIвалахдикай куьрелди суьгьбет авун тIалабна.
-Чна Дагъустан Республикадин МВД- дин рекьера гьерекатдин хатасузвал хуьдай Государственный инспекциядин управленидихъ галаз «О государственной инспекции безопасности дорожного движения Министерства внутренних дел Российской Федерации» положенидин, Россиядин Федерациядин 1998-йисан 31-июлдиз 880-нумрадик кваз кьабулай «О порядке проведения государ-ственного технического осмотра транспортных средств, зарегис-трированных в Государственной инспекции безопасности дорожного движения, Министерства внутренних дел Российской Федерации» ва Дагъустан Республикадин Прави-тельстводин 2001-йисан 16-январдиз 12- нумрадик кваз кьабулай «О мерах по реализации постановления Правительства РФ от 31 июля 1998 года № 880, «О порядке проведения государственного технического осмотра транспортных средств, зарегистрированных в Государ-ственной инспекции безопасности дорожного движения Министерства внутренних дел Российской Федерации» ва 2001-йисан 21-сентябрдиз кьабулай 197-нумрадин « О внесении частичного изменения в постановление Правительства Дагестан” от I6 января 2001 г. №2 постановленийрин бинедаллаз, конкурсдин къарардал асаслу яз икьрар кутIуннава.
И икьрардин бинедаллаз чна Сулейман- Стальский, Мегьарам-дхуьруьн ва Хив районрин ОВД- рин ГИБДД-рин подразделенийра регистрация авунвай ва прицеприн кьезил ва пар чIугвадай автомашинрин, автобусрин ва са осдал 10 тонн заланвал гьалтзавай транспортрин ва прицеприн технический гьал (техосмотр) компьютордин диагностика ийизва.
Дагъустан Республикадин МВД- дин УГИБДД- ди чаз эксплуатацияда авай транспортдин такьатрин технический гьал гьихьтинди хьана кIанзаватIа истемишзавай нормативно- правовой актар, къайдаяр, стандартар ва технический нормаяр тайинарнавай сиягьни ганва, чна гьабурун истемишунрив кьадайвал чи патав атай транспорт ахтармишзава.
Чи пункт кардик акатайдалай гуьгъуьниз сад лагьай июлдалди чна 470 транспортдин технический килигунар тухвана, гьа гьисабдай яз кьезил машинар 356, 5 тонндал кьван заланвал авай автобусар 33, 5 тонндилай виниз заланвал авай автобусар 14, пуд тонндал кьван заланвал авай пар чIугвадай машинар-35, пуд тонни зуралай 12 тонндал кьван пар чIугвадай машинар 13, 12-тонндилай виниз авайбур-16, прицепарни 3 ахтармишна.
Заз чидайвал, 7 агъзурдалай гзаф транспортдин такьатар авай районда ибур лап тIимил я.
Ша, буюр, чун куь къуллугъда акъвазнава.
Чи реквизитар: с. Ашага- Стал
ИНН 052905755437
БИК 048209793
р/с 40802810904280000005 ОАО «Россельхозбанк» с. Касумкент С.Стальского района РД.
