КIвачерин тупIарин арайра хамунин азар (грибок) квайла, сиркедиз 30- процент яд яна ва ада михьи пек кьежирна, кIвачин кIанерал ва тупIарин арайрал эцигда, ахпа кIвачер целлофандал кIевирна, винелай гуьлуьтар алукIна, къаткида.
КIвачер гьафтеда са сеферда сирке квай цяй чуьхуьда (хуьрекдин са тIурунавай сирке 1 литр циз яда). Гьар юкъуз михьи гуьлуьтар алукIда. Кике-ривай явашдаказ сирке гвяда (гзаф гуьцIайтIа, кIвачерилай хамар алатда, амма тIар жедач). Гуьлуьтарни сирке квай цяй чуьхуьда. Гъилеривай ичерин сирке гвяда, амма гъилер цяй кьежирдач. КIвачин къапаривай сирке гуьцIна, целлофанда туна, са шумуд юкъуз тада.