Гатун каникулар аялриз гзаф кIан я, амма диде – бубайрин патай аялрал гуьзчивал тIимиларна кIандач. Им акI лагьай гаф я хьи, гзаф чIуру тир кIвалахар, бедбахтвилер аялрин кьилел иллаки гьа и вахтунда къвезва.
Сифтени – сифте аялрин тербиядин карда диде – бубадин везифаяр артух я, ахпа амай гьукуматдин ва муниципиальный органрин, талукь къуллугърин.
Аялрин гележег хъсан ва бахтлуди хьун прокуратурадин кьилин везифайрикай сад я ва ада гьукуматдин са жерге къуллугърал гуьзчивал тухуз, аялриз герек тир куьмекар гуз ва абурун тереф хуьз тазва.
Диде – бубайри тамамвилелди аялриз дуьз тербия тагуз ва хуьн тийиз хьайитIа, РФ-дин КоАП-дин 5.35 статьядин бинедаллаз ихтияр ганвай ва талукь тир органрин ва къуллугърин представленийрин, постановленийрин бинедаллаз абур са кьадар жерме ийида.
Чуьнуьхунар ийиз ва Российский Федерациядин Уголовный кодексди къадагъа авунвай кIвалахрал машгъул хьайитIа, дустагъламишун мумкин я, генани чIехи жаза къведа ва аялзамаз правоохранительный органрин контролдик жеда ва уьмуьрда гележегдиз чIуру таъсир ийида.
Аялри яб тагуз, чIуру кIвалахрин рекье аваз хьайитIа, диде – бубайривай, опекунривай ва аял тербия авун хиве авай маса ксаривай С-Стальский РОВД-дин аялрин крарин рекьяй талукь подразделенидин работникриз куьмек це лугьуз жеда. Мадни районда аялрин яшайишдин къуллугъда акъвазнавай райондин администрациядин патав гвай комиссияни ава. Адавайни хейлин куьмекар гуз жезва.
Гатун вахтунда аялрин гзаф пай, бейкарвилиз килигна, вахт гьикI акъуддатIа тийижиз жеда. ЧIехибуру абруз дуьз рехъ къалурна кIан жеда, иллаки тарсара герек ктабар ва масса литература кIелдай мумкинвал гана кIанда, кIелзавай ктабрин мана – метлеб ачухна кIан жеда. Гзафни гзаф аялрин тереф хуьдайла абур килигзавай кинофильмайрин манадал амал авуна кIанда ва аялдин психикадиз чIуру таъсир ийизвай кинофильмаяр вахчуна, адан фикирдиз талукь яшарин видеодиска гъана кIанда. МискIиндиз фин ва капI авун гьукуматдин са демократический къайда ятIани, аялрин психикадиз чIуру патахъ таъсирдай исламдин диндин ва идеологиядин дибрин хилера футфа тазвай, экстремизмдин идеяяр авай инсанрихъ галаз тарсар къачун къадагъа авун лазим я. ЧIехи гьанвай абурун са таъсирдик акатай аялар гьукуматдиз акси тир кIвалахар тухузвай инсанри чпин фикира ишлемишда.
Чирвал къачун ва рикIиз кIандай са кIвалахдал машгъул хьун, вини дережайрихъ ялун ва агакьарун, аялдин бахт ачух хьун – ибур диде – бубайрин ва чи кьилин фикир я.
Агъадихъ райондин службайрин аялрин тереф хуьзвай работникрин ва специалистрин телефондин нумраяр гъанва ва герек вахтунда куьмек гуда.
Отдел по делам сем, женщ. и дет.- 3-16-31, ТЦСОН - 3-12-91, ЦСПСД- 3-11-70, РОВД- 3-12-51, Председатель КДН - 3-12-51