9-июндиз РФ-дин Президент Дмитрий Медведев Дагъустан Республикадиз рабочий мугьманвилиз атана. Махачкала шегьердин аэропортуна государстводин Кьил РД-дин Президент Муху Алиева ва ЮФО-дин РФ-дин Президентдин патай тамам ихтиярар ганвай векил Владимир Устинова къаршиламишна.
Мугьманвиле авай чIавуз Дмитрий Медведев РД-дин Президент М. Алиевахъ галаз гуъруьшмиш хьана. Анал абуру Кеферпатан Кавказда ва Дагъустанда хатасузвал таъминарунин месэлаяр веревирдна. И барадай гьялиз тахьанвай месэлаярни гзаф авайди къейдна. Абур рес¬-публика вилик тухунин жигьетдай гьихьтин гьалар ава-тIа ва и кар патал хъувуна кIанзавай месэлайрал акъ-вазна.
Дагъустанда Д. Медведев ФСБ-дин махсу с метлеб авай центрадиз фена. Ина ам залукар азад хъувунин ре-кьяй вердишвилер къачузвай аскеррин гъерекатриз ки-лигна. Д. Медведеваз алакъадин ва гуьзчивалдай такьа-тар, гьамни аскерри чпикай менфят къачузвай яракьрин чешнеяр къалурна. Ахпа абур и мукьвара ачухай карда-ологиядин ва рикIин дамаррин хирургиядин центрадизни фена.
Гуьруьш куьтягь хьайидалай гуьгьуьниз Дмитрий Медведева Хатасузвилин Советдин членрихъ галаз ге-гьенш оперативный совещание тухвана. Ам Кьиблепа¬тан федеральный округдин территорияда милли хатасуз-вилиз къурху гузвай крар арадай акъудунин серенжемриз талукьарнавайди тир. Совещанида Кьиблепатан федеральный округдин регионрин руководителрини иштиракна.
