30-майдиз Кьасумхуьруьн ДЮСШ-дин спортзалда волейболдал къугъунай рагьметлу Ягъибеков Велибег Ягъибековичан гьуьрметдай турнир кьиле фена.
И турнирда чи райондин командайрилай гъейри къунши Хив, Кьурагь районрин хуьрерин ва Дербентда авай «Юждаг» институтдин - санлай кьурла 11 командади иштиракна.
Къизгъиндаказ кьиле фейи акъажунра сад лагьай чка Кьурагьрин, 2 ва 3 лагьай чкаяр Хив райондин АрхитIрин ва Дербентдин «Юждаг» институтдин командайри кьуна. И турнирда 4 лагьай чка кьур Курхуьруьн командадини чпихъ хъсан алакьунар авайди къалурна.
КIвенкIвечи чкаяр кьур командайриз талукь тирвал 10000 мандилай 3000 дал кьван пулдин пишкешар, кубокар ва грамотаяр гана.
И турнирда тафаватлу хьайи кьилдин спортсменризни грамотаяр, дипломар ва къиметдин пишкешар гана.