Герейханован хуьруьн юкьван школадин патав гвай стадион чIуру гьалдиз атана са шумуд йис тир.
Алатай йисуз райондин администрациядин къарардалди стадион вичин къуллугъдин везифаяр тамамардайла игитвилелди телеф хьайи милициядин старшина Роберт Къазиагьмедован тIварунихъ яна. Рагьметлудан хзанди, багърийри чпин пулунин такьатралди стадион тадаракламишна, аник варар кутуна, элкъвена ракьун тIваларикай гьазурнавай жагъундалди кIевирна.
И кIвалахриз са миллион манатдилай виниз пул акъатна.
Стадион къайдадиз хкунал Роберт Къазиагьмедован стхайри, эцигунрин устIар Р. Ражабова, сварщикар тир Н. Агъакишиева, И. Сефикъулиева, Къ. Гьасанова ва масабуру намуслудаказ зегьмет чIугуна.