Шарар алайла кьве йикъан вахтунда гьар экуьнахъ фу недалди вилик кьел ва истивут вегьена, 2 помидор тIуьн меслят къалурзава.
Кьиле мазула (мигрень) авайла, са гъапа авай чIутран цуькверал 1/3 стакандавай кудай яд иличда, 15 декьикьада зайиф цIал эцигна, звал къведалди тада. Ахпа ам куьзда, са шумуд къат жуна кузвай настойкадай кьежирна, кьилел эцигда.
***
Хуьрекдин сиркедай дасмал кьежирна, пелел эцигна, винелай шарфуналди кутIунда. 500 грамм апельсинар чуьхвена, чкалар аламаз куьлуь авуна, 100 г. ракьай янавай хрен, 300-500г шекер-песок ва 1л. лацу чехир алава хъийида. И къаришма авай къажгъан, яд авай маса къапунин къене туна, са сятда ргада. Ахпа ам куьзна, йикъа 5-6 сеферда 50 г. ишлемишда. Ихьтин дарманди кьилин тIал секинаруниз куьмекда.
* * *
ДуркIунар, жигерар ва хуьрек цIурурдай органар тIазвайла, хуьрекдин са тIурунавай кьурурнавай вергерал са стакан ргазвай яд илична, 30 декьикьада тада. Ахпа ам куьзна, йикъа пуд сеферда хуьрекдин са тIурунавайди ишлемишда. Ихьтин чайдик гзаф витаминар жеда.
* * *
РикI таз, нефес дар хьанвайла, йикъа 3-4 кIерец тIуьн меслят къалурзава. КIерецрин арадавай ламар (перегородка), куьлуь авуна, са бутылкадиз вегьена, винелай эрекь илична, 2 гьафтеда тада. Ахпа йикъа садра 30-40 стIал стакандавай циз вегьена ишлемишда. РикIин тIал секинарун патал мадни ихьтин настойка гьазурда: са бутылкадиз гъвечIи шуьшедавай корвалол, валерьянка, пустырник, инияр (настойка боярышника) вегьена, сад-садак хъсандиз акадарна, ксудалди вилик хуьрекдин са тIурунавайди ишлемишда. И настойка хъвайила, инсанди зиреквал ва сагъламвал гьиссда.
Гьазурайди Асият Мусаева я.