Малум тирвал, 2002-йисалай Госпремиядиз ухшамиш яз тайинарнавай Вирироссиядин «Душа России» проект хьиз, «Душа Дагестана» проект 2012-йисалай инихъ «Дагъустандин культура вилик тухун» госпрограммадин сергьятра аваз кьиле тухузва. Дагъустан Республикадин Кьил Рамазан Гьажимурадович Абдулатипован тапшуругъдалди 2015-йисалай и премиядихъ ДР-дин Гьукуматдин наградадин дережа хьанва.
Шад жедай кар ам я хьи, 2015-йисан и проектдин жуьреба-жуьре номинацийрай конкурсрин нетижарай, кьилди кхачуртIа, «Халкьдин макьам» номинациядай лауреатрин арада «Кьасумхуьр» тIвар алай далдамчийрин дестедин халкьдин ансамблдин руководитель Агъарагьим Агъарагьимов ва «Гражданский обществодин культурада ата-бубайрин адетар» республикадин конкурсдин гъалибчийрин арадани чи райондин Россиядин халкьарин адетдин культурадин центрдин яратмишунардай коллектив ава.
А наградаяр алай йисан 8-фералдиз райадминистрациядин активдин совещанидал муниципальный райондин Кьил Нариман Шамсудинович Абдулмуталибова Агъарагьим Агъарагьимовав шад гьалара вахкана. Мубаракрай!
А. Мусаева.