Санлай акъвазун чин тийидай, гьамиша гьерекатдик квай вахт виликди физва. Идахъ галаз санал обществода, къурулушрани дегишвилер жезва. Хуьрерин къаматар къачуртIани гьакI я: абур йисандавай-суз чIехи, гуьрчег ва авадан жезва. Гьа са вахтунда, алай аямда инсанрин игьтияжарни артух жезва. Вири и рекьерай камаллу, гьуьрметлу ва зегьметдал рикI алай инсанар яшамиш жезвай чи райондани эхиримжи йисара дегишвилер кьиле фена.
Райондин руководстводин къайгъударвал, чалишмишвал себеб яз, чи хуьрера эцигунрин, аваданламишунин, агьалияр газдалди, эквералди, целди таъминарунин, йикъандавай-къуз артух жезвай абурун игьтияжар таъминарунин рекьерай авунвай кIвалахрин кьадар гзаф я. И кар тестикьарун патал заз агъадихъ са мисал гъиз кIанзава.
ЦIийи поселокдин Дагестанская, Переселенческая куьчейриз газ гъун тавуни анра яшамиш жезвай агьалияр кIевера, четинвилера тунвай. Идан патахъай агьалияр арза-ферзейра аваз гзаф йисар тир. Эхирни абур и куьчейриз газ гъунин месэла гваз муниципальный райондин Кьил Нариман Шамсудинович Абудулмуталибован патав фена. Райондихъ, адан агьалийрихъ рикI кузвай касдиз аферин ва баркалла! Вичин къайгъуяр къалин ятIани, ада и месэла гьялна: кьве куьчедизни газ гъана.
Мукьвара чи редакциядиз и куьчейра яшамиш жезвай З. Алисултанов, А. Халифаев ва мад вад кас атана. Абуру куьчейриз газ гъунай, агьалийрин гьакъиндай къайгъударвал авунай Нариман Шамсудинович Абдулмуталибоваз, гьакIни УКС-дин начальник Низами Аслановаз, архитектор Герман Гьуьсейноваз ва и кардик пай кутур амай юлдашриз чухсагъул лугьузва.
Асият Мусаева.
