Дагъустанда 2016-йис Дагъларин йис яз малумарнава. Талукь тир Указдал РД-дин Кьил Рамазан Абдулатипова къул чIугунва.
Дагъларин йис Дагъустан Республикадин дагълух чкаяр дурумлудаказ вилик тухун, дагъвийрин надир адетар, виш йисарин тарих авай культурадин ивирар хуьнин мураддалди малумарнавайди я.
Республикадин Гьукуматдал 10 йикъан муддатда тешкиллувилин ко¬митет арадал гъун, «Дагьустандин дагълух территорияр» ассоциациядихъ галаз санал Дагъларин йисаз талукь асул серенжемрин план туькIуьрун ва тестикьарун тапшурмишнава.
РД-дин печатдин ва информациядин министерстводал республикада Дагъларин йис кьиле физвай гьал массовый информациядин такьатра вахт-вахтунда раиж авун, шегьерринни районрин администрацийрал Дагъустанда Дагъларин йис кьиле тухунин карда активдаказ иштирак авун тапшурмишнава.
РД-дин Кьилин ва Гьукуматдин Администрациядин пресс-къуллугъ.