Эхиримжи вахтара гьам уьлкведа, республикада сагъламвилин месэлайриз кьилин фикир гузва. Кьилди къачуртIа, «Сагъламвал» кар алай милли проектда здравоохраненидин, медицинадин ва санитариядин рекьерай сифтегьан куьмек гудай идараяр вилик тухуниз, абурун материально-технический база хъсанаруниз артух фикир гун къалурнава. И рекьерай чи райондани тайин кIвалах тухузва. Райондин центральный больницада капитальныйдаказ ремонтрин кIвалахар тухун, са шумуд хуьре эхиримжи вахтара цIийи медпунктар эцигун и кардин шагьид я.
Эхиримжи вахтара Зизикрин хуьруьн ФАП-дани хъсанвилихъ еке дегишвилер кьиле фена. Махачкъалада яшамиш жезвай и хуьруьнви Къ. Магьарамова вичин хсуси такьатралди ФАП-дин дарамат капитальныйдаказ ремонт хъувуна: ктIанвай полар акъудна, марф къвайила цяй ацIузвай подвалар чиргъ вегьена кIевна, цлариз щтукатурка, чилиз цIийи полар яна, пластикадин рак-дакIар кутуна. Ида медработникриз кIвалахдай, агьалияр кьабулдай, абуруз лазим процедураяр ийидай къулайвилер яратмишна.
ФАП-дин участковый фельдшер З. Магьарамова, акушерка Ш. Мегьамедова, аялрин медсестра А, Абдуселимова, санитарка П. Гьажибалаевани чпин хиве авай везифайрив намуслудаказ эгечIзава. Гьавиляй хуьруьнвийри абурун кIвалахдилай разивални ийизва.
Асият Мусаева.
