Алай йисан 26-октябрдиз муниципальный райондин администрациядин нубатдин совещание хьана. Адан кIвалахда администрациядин управленийринни отделрин начальникри, къуллугъринни организацийрин ва общественный тешкилатрин руководителри, хуьрерин поселенийрин кьилери, гьялзавай месэладихъ галаз алакъалу къуллугърин пешекарри иштиракна.
Совещание муниципальный райондин Кьил Нариман Шамсудинович Абдулмуталибова ачухна ва кьиле тухвана.
Анал райондин бюджетдиз къвезвай къазанжийрихъ ва кIватIзавай налогрин кьадар артухарунин карда Межведомственный комиссияди тухузвай кIвалахдихъ галаз алакъалу месэладиз килигна.
Чкадин бюджетдиз налогар кIватIунин рекьяй районда авай гьалдин гьакъиндай райадминистрациядин экономикадин отделдин начальник Саният Вагьабовади информация авуна.
И месэладай совещанидал районрин уртах налоговый инспекциядин начальникдин заместитель Э. Гьажиев, райондин администрациядин Кьилин заместитель Саид Темирханов, Испикрин, Эминхуьруьн, ЦIийи Макьарин хуьрерин поселенийрин кьилер тир Руслан Магьмудов, Рамазан Рамазанов, Асамудин Къазиагьмедов, хуьруьн майишатдин отделдин начальник Мегьамедзагьид Бабаев, административный комиссиядин секретарь Шевкет Ярагьмедов рахана.
Н. Ш. Абдулмуталибова вичин рахунра къейд авурвал, налогар кIватIун – им администрациядин вилик акъвазнавай кьилин везифайрикай сад я, гьавиляй и месэладив жавабдарвал гьисс авуналди эгечIун лазим я.