Эминхуьряй тир Алимет Аллагьвердиев (шикилда) районда тежрибалу уьзуьмчийрикай сад я. Дагъустандин хуьруьн майишатдин институт акьалтIарайдалай гуьгъуьниз ада саки 30 йисуз «Аламишинский» совхозда уьзуьмчивилин бригададин бригадирвиле, совхоздин кьилин агрономвиле кIвалахна.
1986-йисалай инихъ А. Аллагьвердиева уьзуьмчи-арендатор яз кIвалахзава. Тежрибалу уьзуьмчидихъ гьар йисуз тарифдин нетижаярни жезва. ИкI, алай йисуз ада вичин кIвачихъ галай бегьердал атанвай 5 гектардин уьзуьмлухрин гьар са гектардай 180 центнер ципицIар кIватI хъувуна. Им неинки районда, республикадани хъсан нетижа я.
Хазран Кьасумов.