Вичин гзаф йисарин къадим тарихда Дагъустандин халкьари чпин аслу туширвал, къулан цIай хуьн патал вагьши душманрихъ галаз барабарсуз женгера, гележегда риваятриз элкъвезвай кьегьалвилер ва игитвилин чешнеяр къалуруналди, чпин чIуриз тежер садвал ва тупламишвал мидаим тирди тестикьарна. И кар абуру Дагъларин уьлкведал 1999-йисуз бандитри-террористри гьужум авур четин вахтундани субутарна.
А кардихъ кIевелай инанмишвал ийиз кIанзава хьи, 15-сентябрь Дагъустан Республикадин сувар – Садвилин югъ яз малумаруни ва ам гьар йисуз виниз тир дережада аваз кьиле тухуни чи халкьарин садвал ва дуствал мадни мягькемарунин, чи акьалтзавай несилар бубайрин баркаллу крариз, чи милли адетриз вафалубур яз тербияламишунин карда кьетIен роль къугъвада.
Гьуьрметлу районэгьлияр! За квез райондин депутатрин Собранидин, администрациядин ва гьакIни жуван патай Дагъустан Республикадин Садвилин суварин югъ рикIин сидкьидай мубаракзава!
Къуй куь кьилел ислягь цав, кIвалерани садвал, ислягьвал, бахт ва берекат хьурай!