ГьикI арадал акъатайди я Москвадин тIварунихъ галай къанал?
«КIан хьайитIа, диде Волгани къулухъ элкъуьрда...», лугьузва урусрин халкьдин куьгьне манида.
Советрин властдин девирда диде-Волга вацIни кIани патахъ элкъуьриз алакьна.
Чи уьлкведин меркез Москвадиз цикай кьитвал авай. Йикъалай - къуз чIехи жезвай шегьерди гьар са сятина миллион ведройралди яд истемйшзавай. Кьери хьанвай Москва вацIувай шегьердин ихьтин еке игьтияжар таъминариз жезвачир.
Шегьер целди таъминарунин месэла тамамдаказ гьялун патал Иосиф Виссарионо¬вич Сталина Волга «элкъуьрун» ва адан са пай яд Москвадиз рекье тун теклифна.
Сталинан пландалди лап зурба имарат арадиз гьана: 128 километр яргъивал алай Москва-Волга, гила Москвадин тIварунихъ галай къанал, цIуд метрийралди кьакьанвал алай са жерге тепейрай чIугур къаналдай Урусатдин чIехи вацIун ятар Москвадихъ авахьна ва шегьер гьамишалугъ яз целди таъминарунин месэла тамамвилелди гьялна. Гьеле 1939-йисуз гьар юкъуз, гьар са москвавидал 300 литр яд гьалтна. И кьадар яд дуьньядин гьич са уьлкведин меркездин агьалидални гьалтзавач.