Главная О районе Новости Деятельность
Карта
карта
Фотогалерея
Панорамы

Руьгьдин хкаж хьанвай гьалара

версия для печати

19-май. Ингье, фадлай вил алай и югъни алукьна. ХХ асирдин Гомер, Дагъустандин халкьдин шаир СтIал Сулейманан 140 йисан юбилейдин шадвилин мярекат адан хайи Ватанда вири халкьдин иштираквал аваз тешкиллувилелди кьиле тухун патал райондин руководстводи, талукь къуллугъри виликамаз вири гьазурвилер акунвай.

Пакамахъ сятдин 10 дан зураз кьиле муниципальный райондин Кьил Имам Музамудинович Яралиев аваз райадминистрациядин жавабдар къуллугъчияр, райондин культурадин ва яратмишунардай интеллигенциядин векилар райцентрдал алай шаирдин гуьмбетдал цуьквер эцигиз фена. Майдандал далдам-зуьрнедин ван алай. Гуьмбетдин вилик квай чахчахрал чи уьлкведин ва республикадин пайдахри лепе гузвай. Гуьмбетдал ва гьакIни аниз физвай гуьтIуь рекьин кьве патай гарданра яру галстукар, гъилера цуькверин кIунчIар авай пионерар гьуьрметдин къаравулда акъвазнавай. Райондин руководителар пионерри, цуькверин кIунчIар гуналди, къаршиламишна. Гуьмбетдал цуьквер эцигна, аманат яз анал шикилар ягъайдалай гуьгъуьниз, райондин руководителар мугьманар кьабулиз чи район башламиш  жезвай чкадал фена. Багьа мугьманар абуру музыкадивди, кьелни фу ва цуьквер гуналди къаршиламишна. Абурун арада кьиле Дагъустандин Халкьдин Собранидин Председатель Мегьамед Сулейманов аваз атанвай адан заместитель Насир Гьайдаров, ДР-дин Халкьдин Собранидин депутатар тир Гьамидулагь Мегьамедов, Сейфулагь Исакьов, Эдуард Хидиров, Дагъустандин писателрин Союздин правленидин председатель, Дагъустандин халкьдин шаир Агьмедов Мегьамед Агьмедович Дагъустандин гьар миллетрин векилар тир шаирар, гьакIни алимар, шегьеррин, Кьиблепатан Дагъустандин саки вири районрин тешкилатрин кьилер ва маса жавабдар къуллугъчияр авай. Суварик гьакI кьиле «Лезги газетдин» редактор Агъариза Саидов аваз и газетдин редакциядин са десте журналистар, кьиле Эседуллагь Наврузбегов аваз СтIал Сулейманан тIварунихъ галай лезгийрин Гьукуматдин муздрамтеатрдин артистар ва маса мугьманар авай.
Шаирдин мемориальный КIвал-музейдал кьван фидалди СтIал Сулейманан стелладилай шегьре рекьин кьве къерех тирвал багьа мугьманар тебрик ийиз гъилера гъвечIи пайдахар ва цуьквер аваз, школьникар акъвазнавай. Агъа СтIалдал, куьнуьда чIижер хьиз, шаирдин шииратдин суварик атанвай инсанар музейдин вилик кIватI хьанвай. Музейдин гьаят, вилик квай чкаяр гьар жуьре лозунгар ва пайдахар яна,  адан гьаятдин чахчахар  тирвал райондин гьар школади шаирдин юбилейдиз талукьарна гьазурнавай шикилрин стендар эцигда. ДР-дин культурадин лайихлу работник, фотожурналист Тажидин Мегьамедован  СтIал Сулейманаз бахшнавай фотовыставкани акъудна, суварин къайдада безетмишнавай. Суварин межлис кьиле тухузвай махсус сегьнеда аквадай чкадал халичадал шаир ва камалэгьли СтIал Сулейманан чIехи портрет эцигнавай.
Агъа СтIалрин хуьруьн ва майишатдин руководителри, агъсакъалри цуькверин кIунчIар гвай пионерри, музыкадин ван кьилеллаз, атанвай мугьманар, райондин руководителар шад гьалара кьабулна.
Шаирдин музейдин экспонатрихъ галаз таниш хьайидалай гуьгъуьниз музейдин директор, шаирдин хтул Лидия Стальскаяди СтIал Сулеймана рикI алаз чай хъвайи ва шиирар теснифай музейдин гьаятда авай хатрут тарак мугьманриз чаяр гун тешкилна.
ЧIехи шаирдин I40 йис тамам хьунин шадвилин мярекат, аниз атанвай мугьманар тебрик авуналди, шаирдин уьмуьрдикай, яратмишунрикай, адан дерин метлеб авай са-са бенд хуралай лугьуз, куьруь суьгьбет авуна. И. М. Яралиева вичин яратмишунралди, камалдалди лезги халкь ва Дагъустан вири дуьньядиз машгьур авур СтIал Сулейманан тIвар эбеди яз халкьдин сивера амукьдайди, адан шииратдин сувар Дагъустандин халкьарин дуствилин сувариз, адан хайи Ватан – Агъа СтIал – шаиррин пак чкадиз элкъвенвайди къейдна.
Сифтегьан гаф Дагъустандин Халкьдин Собранидин Председатель Мегьамед Сулеймановаз  гана.
Ада чи республикадин Гьукуматдин, Халкьдин Собранидин ва гьакIни вичин патай Агъа СтIалрин жемятдиз, вири районэгьлийриз, Дагъустандин халкьарин арада дуствал хуьниз куьмек гузвай СтIал Сулейманан яратмишунриз майилвал ийизвай вирибуруз и межлис рикIин сидкьидай мубарак авуна. Ада эхиримжи йисара чи райондихъ ам яшайишдинни экономикадин жигьетдай вилик тухунин карда хъсан нетижаяр жезвайди, кьилди къачуртIа, алатай йисан нетижайрай и жигьетдай дагъдив ценерив гвай зонадин районрин арада чи район 3-чка гуниз лайихлу хьанвайди ва вири и агалкьунар арадал гъуник, къе ихьтин зурба межлис тешкилуник Сулейман-Стальский муниципальный райондин Кьил И. М. Яралиеван еке пай квайди къейдна. Эхирдай ада вичиз И. М. Яралиевахъ, районэгьлийрихъ гележегда мадни еке агалкьунар хьун кIанзавайди лагьана.
Гуьгъуьнлай анал шаирдин уьмуьрдикай ва яратмишунрикай, адан шаирвилин бажарагъдикай чпин фикирар ва чпи адаз бахшна кхьенвай шиирар гваз ДГУ-дин профессор, литературовед Рагьим Кельбеханов, Дагъустандин писателрин Союздин правленидин председатель Мегьамед Агьмедов, даргийрин шаир Кьасумбег Мигьрабов, къумукьрин шаир Багьаудин Гьажиев, лакрин шаир Сугури Увайсов, лезгийрин машгьур шаир ва писатель Абдуселим Исмаилов рахана.
Нубатдин тебрикдин гаф гваз анал экъечIна рахай Махачкъала шегьердин Советский райондин администрациядин кьил Боганд Мегьамедова Махачкъала шегьердин мэр С. Ж. Амирован тебрикдин чар кIелна. Анал тебрикдин хуш келимаяр, чIехи шаирдин гьакъиндай чпин фикирар гваз Дакъузпара райондин муниципальный райондин Кьил Керимхан Абасов, «Лезги газетдин» кьилин редактор Агъариза Саидов, ДР-дин Халкьдин Собранидин депутат Эдуард Хидиров, Дагъустандин Огни шагьердин администрациядин Кьил Мегьамед Жафаров, Дагъустандин сад авунвай музейрин генеральный директор Хаппалаева рахана. Эхиримжида анал шаирдин КIвал-музейдин директор Лидия Стальскаядив Дагъустандин культурадин Министерстводин Гьуьрметдин грамота ва музейдиз савкьват яз ктабар шад гьалара вахкана.
Гуьгъуьнлай анал чухсагъулдин гафар гваз Л. Стальская рахана ва ада вичи кхьенвай «Хатрут тар» шиир кIелна.
Эхирдай И. М, Яралиева СтIал Сулейманан ирс райиж авунин кардик еке пай кутазвай са жерге юлдашрив муниципальный райондин Гьуьрметдин грамотаяр шад гьалара вахкана.
Эхирдай и мярекатдин иштиракчийриз лезги театрдин артистри райондин культурадин идарайрин, аялрин яратмишунрин КIвалин, аялрин музыкальный школадин ва маса гьевескар артистри чIехи концерт гана. Адан программадик СтIал Сулейманан уьмуьрдиз ва яратмишунриз талукьарнавай манияр, шиирар ва гъвечIи сценкаяр (сегьнеяр), халкьдин манияр ва кьуьлер квай.
ИкI СтIал Сулейманан 140 йисан мярекат неинки са чи райондин, гьакI Дагъустандин культурадин уьмуьрдани лишанлу вакъиадиз элкъвена.

Рейтинг:
@ @ @ . .
Комментарии посетителей:
Оставить комментарий
Подшивка за 2009 год
Новости
В Сулейман-Стальском филиале МФЦ «Мои документы» можно оформить документы на объекты межевания
В филиале многофункционального центра оказания государственных и муниципальных услуг «Мои документы», что находится в с.Касумкент Сулейман-Стальского района, размещена межевая группа по оформлению технических и межевых планов домов, квартир и земельных участков. По данному вопросу состоялась беседа корреспондента Касумкентского телевидения Мизамудина Махмудова с курьером-межевиком местного центра Тагиром Маметовым. Как отметил специалист, наличие межевого и технического планов на имуществ...
В Сулейман-Стальском филиале МФЦ «Мои документы» можно оформить документы на объекты межевания
В филиале многофункционального центра оказания государственных и муниципальных услуг «Мои документы», что находится в с.Касумкент Сулейман-Стальского района, размещена межевая группа по оформлению технических и межевых планов домов, квартир и земельных участков. По данному вопросу состоялась беседа корреспондента Касумкентского телевидения Мизамудина Махмудова с курьером-межевиком местного центра Тагиром Маметовым. Как отметил специалист, наличие межевого и технического планов на имуществ...
В Сулейман-Стальском районе прошла научно-практическая конференция «Пути сохранения и развития родного языка в современных условиях в свете изучения лезгинского народного героического эпоса «Шарвили»
29 февраля 2015 года в рамках сохранения, изучения и развития родного языка в Сулейман-Стальском районе на базе Дворца культуры им. И.Г.Тагирова начала работу научно-практическая конференция на тему: «Пути сохранения и развития родного языка в современных условиях в свете изучения лезгинского народного героического эпоса «Шарвили». Мероприятие организовано администрацией муниципального района совместно с научно-исследовательским институтом педагогики имени А.А.Тахо-Годи.  В работе ко...
В Сулейман-Стальском районе прошла научно-практическая конференция «Пути сохранения и развития родного языка в современных условиях в свете изучения лезгинского народного героического эпоса «Шарвили»
29 февраля 2015 года в рамках сохранения, изучения и развития родного языка в Сулейман-Стальском районе на базе Дворца культуры им. И.Г.Тагирова начала работу научно-практическая конференция на тему: «Пути сохранения и развития родного языка в современных условиях в свете изучения лезгинского народного героического эпоса «Шарвили». Мероприятие организовано администрацией муниципального района совместно с научно-исследовательским институтом педагогики имени А.А.Тахо-Годи.  В работе ко...
В Ортастальской сельской библиотеке прошло мероприятие «Береги родной язык!»
В Ортастальской сельской библиотеке Сулейман-Стальского района прошло мероприятие «Береги родной язык!». Мероприятие проведено в целях формирования у подрастающего поколения духовно-нравственного, гражданско-патриотического интереса к изучению историко-культурных ценностей, народных традиций, обычаев и обрядов. В рамках мероприятия был оформлен плакат «Лезгинские обычаи».   
В Ортастальской сельской библиотеке прошло мероприятие «Береги родной язык!»
В Ортастальской сельской библиотеке Сулейман-Стальского района прошло мероприятие «Береги родной язык!». Мероприятие проведено в целях формирования у подрастающего поколения духовно-нравственного, гражданско-патриотического интереса к изучению историко-культурных ценностей, народных традиций, обычаев и обрядов. В рамках мероприятия был оформлен плакат «Лезгинские обычаи».   
В Сулейман-Стальском районе состоялся антинаркотический форум «Матери Дагестана против наркотиков»
Сегодня, 1 марта, в Международный день борьбы с наркоманией и незаконным оборотом наркотиками, в Сулейман-Стальском районе с участием начальника Управления ФСКН России по Республике Дагестан Энрика Муслимова и начальника отдела межведомственного взаимодействия УФСКН РФ по РД, полковника полиции Хасайбат Валиевой прошел антинаркотический форум «Матери Дагестана против наркотиков». Открыл и провел мероприятие глава района Нариман Абдулмуталибов. Форум был нацелен на вовлечение женщин-матерей в раб...
В Сулейман-Стальском районе состоялся антинаркотический форум «Матери Дагестана против наркотиков»
Сегодня, 1 марта, в Международный день борьбы с наркоманией и незаконным оборотом наркотиками, в Сулейман-Стальском районе с участием начальника Управления ФСКН России по Республике Дагестан Энрика Муслимова и начальника отдела межведомственного взаимодействия УФСКН РФ по РД, полковника полиции Хасайбат Валиевой прошел антинаркотический форум «Матери Дагестана против наркотиков». Открыл и провел мероприятие глава района Нариман Абдулмуталибов. Форум был нацелен на вовлечение женщин-матерей в раб...
Яндекс цитирования ALLDAG.ru