2015-йисан 1-кварталдилай эгечIна Кьасумхуьрел кардик квай «Куьредин ярар» культурадин маканди «Куьредин ярар» тIвар алаз эдебиятдинни информациядин журнал акъудзава. Ам пуд вацралай садра акъатзава. Журналдин 2-нумра Ватандин ЧIехи дяведа Гъалибвилин 70 ва «Куьредин ярар» макандин 25 йис тамам хьуниз талукьарнава.
Журналда «Меденият», «Тарих», «Гъалибвилин 70 йис», «Литературадин йис», «ЦIийи ктабар», «Сагъламвал» рубрикайрик квай жуьреба-жуьре макъалаяр, рикIел хкунар, веревирдер, писателринни шаиррин литературадин эсерар, хийирлу меслятар ганва.Лезги ва урус чIаларал акъатзавай журналдин тираж 500 экземпляр я.
Журналдин редактор, РФ-дин журналистрин Союздин член Агьмедпаша Агьмедпашаева чаз лагьайвал, цIийи журнал подписка авун давам жезва, адан йисан къимет 100, зур йисан къимет 50 манат я.
«Куьредин ярар» журнал 89640076817 телефондин нумрадиз зенг авуна, гьакIни «Куьредин хабарар» газетдин редакцияда подписка ийиз жеда.