И йикъара Кьасумхуьрел дзюдодай райондин ачух чемпионат кьиле фена. Ана 150-далай виниз жегьил спортсменри иштиракна. Къизгъиндаказ кьиле фейи акъажунра 1-чкаяр кьуналди, агъадихъ галай спортсменрикай райондин чемпионар хьана:
25кг. М. Мусаев, 30 кг. Г. Егъибегов (кьведни Кьасумхуьр), 33 кг. Ф. Абдулагъаев (Хив), 36 кг. И. Гьажиев (Кьасумхуьр), 39 кг. М. Къазимегьамедов (Агъа СтIал), 42 кг. К. Агьмедов, 46 кг. Г. Юркъулиев (кьведни Кьасумхуьр), 50 кг. И. Алхасов (Кьулан СтIал), 55 кг. К. Шихметов (ДаркIушар), 60 кг. М. Керимов (Алидхуьр), 66 кг. Н. Къазимегьамедов (Агъа СтIал), 73 кг. А. Рамазанов (ДаркIушар), +73 кг. И. Устаев (Кьасумхуьр).
Чемпионатда 1, 2 ва 3-чкаяр кьур спортсменриз Гьуьрметдин грамотаяр, пулдин призар ва къиметлу пишкешар гана.
Кьасумхуьруьн самбодинни дзюдодин ДЮСШ-да вердишвилер къачузвай жегьил спортсменри мукьвара Агъул райондин Тпигърин хуьре М-С Гусаеван гьуьрметдай дзюдодай кьиле тухвай республиканский турнирдани иштиракна. Махачкъаладай, Каспийскдай, Къизилюртдай, Дербентдай, Дагъустандин Огни шегьердай, гьакIни гзаф районрай атанвай командайри иштиракай ана кьасумхуьруьнвийри мад сеферда чпин устадвал къалурна. ИкI, и турнирда Керимов Муслима (57 кг.) ва Алискеров Икрама (68 кг.) 1, Устаев Ибрагьима (90 кг.) ва Лукьманов Алиди (+90 кг.) 2, Ибрагьимов Бахтияра (57 кг.) 3-чкаяр кьуна.
Турнирдин чемпионриз ва призерриз медалар, грамотаяр гана.
Чи спортсменри къазанмишай агалкьунрик тренерар-стхаяр тир Рамазан, Юрий ва Тельман Къурбановрин зегьметдин еке пай ква.
