Главная О районе Новости Деятельность
Карта
карта
Фотогалерея
Панорамы

ЧIехи тешкилатда кIвалахар, къайгъуярни гзаф я

версия для печати

И йикъара «сельсовет Касумкентский» хуьруьн поселенидин депутатрин Собранидин гегьенш сессия кьиле фена. «2013-йисуз хуьруьн поселенида социально-экономический рекьерай тухвай кIвалахрикай ва 2014-2015-йисара вилик акъвазнавай везифайрин гьакъиндай» месэладиз килигай сессиядин кIвалахда «Сулейман-Стальский район» муниципальный райондин Кьил Нариман Шамсудинович Абдулмуталибова, администрациядин Кьилин везифаяр тамамарзавайди тир Лацис Абидинович Оруджева, адан заместителри, администрациядин управленийринни отделрин руководителри, общественный ва диндин тешкилатрин, СМИ-рин векилри, теклифнавай маса юлдашри иштиракна.

2013-йисуз «сельсовет Касумкентский» хуьруьн поселенида хуьрер аваданламишунин,агьалийриз яшайишдинни дуланажагъдин шартIар яратмишунин, культурадин, медицинадин, образованидин жигьетдай къуллугъ авунин рекьерай тухвай кIвалахрикай гьахъ-гьисабдин рахунар поселенидин кьил Брем Керимович Бремова поселенидин майданар, агьалийрин кьадар къалурзавай рекъемрилай башламишна. ИкI, поселенидин территорияди, санлай къачурла, 3604 гектардин майдан кьазва, идакай 2388 гектар хуьруьн майишатдин метлеб авай чилер, 392 гектар саларин участокар я.
Поселенидик акатзавай Кьасумхуьрел (ЦIийи поселок, Алидхуьрни кваз) 13202, Сийида 985, КIахцугъа 642 агьали, санлай поселенида 14829 агьали яшамиш жезва. КIвалерин кьадарди 3007, хзанрин кьадарди 3826 тешкилзава.
Поселенидик акатзавай хуьрера юкьван 5 школа кардик ква, анра 1894 аялди кIелзава, 324 муаллимди кIвалахзава. 
Мадни, хуьрера аялрин 3 бахча (Кьасумхуьрел, ЦIийи поселокда ва Алидхуьрел), 2 клуб (КIахцугъа ва Сийида), 2 библиотека (Кьасумхуьрел ва Алидхуьрел), 3 ФАП (Кьасумхуьрел, КIахцугъа ва Сийида) ава.
Аквазва хьи, кьунвай майданрал, яшамиш жезвай агьалийрал ва кардик квай къуллугърал гьалтайла поселение районда виридалайни чIехиди я. ЧIехи гьар са чкада, адет яз, чIехи кIвалахар, чIехи месэлаярни жеда. Б.К.Бремов хуьрера тухванвай кIвалахрални гегьеншдиз акъвазна. ИкI, райондин администрациядин, спонсорар тир М.Абасован, И.Яралиеван, Э. Эмиралиеван, Къ.Айбатован куьмекни галаз Бакудин 26 комиссардин, ВЛКСМ-дин 50 йисан, И.Эмиралиеван, Леонован, Кирован, Жарулаеван, Р.Гьажиеван тIварарихъ галай, Кавказская, Международная куьчейра, санлай 32 агъзур квадратный метрдин майданда асфальт туна, ЦIийи поселокда вичин къимет 4,8 миллион манат тир парк-аллея эцигна, Кьасумхуьруьн майдандал алай В.И.Ленинан памятник къайдадиз хкана, «Шагь-багъ» микрорайонда, Алидхуьрел, ЦIийи поселокда, Сийида ва КIахцугъа цIийиз арадал атанвай куьчейриз херхем вегьена. 17 вилин муькъвел ремонтрин, 240 метр  ракьун чахчахриз шир ягъунин кIвалахар кьиле тухвана.
ЦIийи поселокдин сурар 250 метр сетка яна кIевирна, ана 12 метр яргъивал ва 6 метр гьяркьуьвал аваз кьур эцигна.
СтIал Сулейманан парк къайдадиз гъун, аваданламишун патални хейлин кIвалахар тамамарна, ана верхьи 45 къелем цана.
150 агъзур манат пул харжна, спонсорди Кьасумхуьрел, райадминистрациядин дараматдин  патав, хъвадай цин  гуьрчег булах эцигна.
Хуьрер йисандавай-суз чIехи жезва, цIийи микрорайонар, куьчеяр арадал къвезва. Анагар электроэнергиядалди, хъвадай ва дигидай целди таъминарунин рекьерайни тайин кIвалах тухвана. ИкI, «Шагь-багъ» микрорайонда 160 КВА –дин цIийи трансформатор эцигна, «Тахта» микрорайонда 300 метрда экверин линия тухвана, райондин центрадин кьилин куьчейра йифен экв гудай 140 фонар (кобра) эцигна, Алидхуьрел цIийиз арадал атанвай микрорайонда эцигун патал 160 КВА-дин трансформатор маса къачунва.
Кьасумхуьрел 1000 метрда, Алидхуьрел 400 метрда дигидай цин къаналар тухвана.
Агьалияр хъвадай целди таъминарунин мураддалди ЦIийи поселокда Бакудин 26 комиссардин тIварунихъ галай куьчеда, «Пуд булахар» лугьудай чкадал ва СМУ-динни виликан ПМК-дин арада къуяр эгъуьнна, цIийи цистернаяр эцигна, санлай къачурла, 1700 метр цин линияр тухвана. 
Хуьруьн поселенидин патав хъвадай цин линийриз къуллугъзавай «Касумкент» ЖКХ-дин МУП-ни тешкилнава. 15 касдикай ибарат тир адан коллективди хиве авай везифаяр кьилиз акъудун патал кIвалах тухузва. Хъсан патахъ хьанвай дегишвилер авазва.
Поселенидик акатзавай хуьрера михьивилер хуьн, санитариядин истемишунрал амал авун-имни хуьруьн поселенидин администрациядин вилик акъвазнавай месэлайрикай сад я. Алатай йисуз ЦIийи поселокда Мира ва Спортивная куьчейра контейнерар эцигдай 2 площадка, Кьасумхуьрел ва ЦIийи поселокда алава 25 контейнер, тротуардин къерехра ва туьквенрин патарив 40 урна эцигна, Алидхуьрел зир-зибил кIватI хъувун ва тайинарнавай чкадал тухвана гадарун патал «ЗИЛ» маркадин машин чара авунва.
Гьа са вахтунда Б.К.Бремова вичин рахунра 2014-2015-йисара поселенидик акатзавай хуьрера социально-экономический рекьерай тухун патал планламишнавай ва вилик акъвазнавай везифайрикай гегьеншдиз лагьана. ИкI, Кьасухуьрел ва ЦIийи поселокда цин цIийи линияр тухун планламишнава, и кар патал 15 миллион манатдин сметаяр гьазурнава. Кьасумхуьрел Мусаиб Стальскийдин, Октябрдин 50 йисан, ЦIийи поселокда Темирханован, 1-Майдин, Гъалибвилин 40 йисан куьчейра асфальт тунин, цIийиз арадал атанвай куьчейриз яд, газ ва эквер тухунин, анриз херхем вегьинин, шегьре рекьерин къерехра тротуарар туькIуьрунин ва маса кIвалахар тухунин лазимвал ава. Алай йисуз хуьруьн поселенидин дарамат ремонт ийида. КIахцугърин, Сийидрин клубарни чIуру гьалда ава, анрани къаварал алай шиферар, чиле авай полар, рак-дакIар дегишарунин чарасузвал ава.
Хуьрера хъувуна кIанзавай кIвалахри-кай, гьялиз тахьанвай ва агьалийрин патай наразивилер арадал гъизвай месэлайрикай гьакIни сессиядал рахай РОВД-дин участковый уполномоченный  Мурад Гьасанова, ЦIийи поселокдин СОШ-дин директор Бег Ягъибегова, участковый духтур Надият Керимовади, райондин агъсакъалрин Советдин председатель Фахрудин Османова, Алидхуьрелай тир агъсакъал Верди Улугъаева, ЖКХ-дин МУП-дин директор Фазил Мамедярова, райондин имам Рамазан Рустамова, райондин администрациядин кьилин заместителар Лацис Оруджева, Гьажиагьмед Гьажиагьмедова ва маса юлдашрини лагьана.
Муниципальный райондин Кьил Нариман Шамсудинович Абдулмуталибова, сессиядал гьялай месэладин нетижаяр кьун яз, къейд авурвал, «сельсовет Касумкентский» хуьруьн поселенидихъ, чIехи тешкилат яз, чIехи кIвалахар, къайгъуярни ава. Поселенида абур кьилиз акъудун патал еке кIвалахни тухванва. Гьа са вахтунда, поселенида хъувуна кIанзавай кIвалахар, гьялдай месэлаярни ама. Бязи вахтара, гьа чкадал гьялиз жедай месэлаярни райондин администрациядал аватзава, куьлуь-шуьлуь месэлаярни чIехи месэлайриз элкъвезва. Куьчеяр къайдадиз гъунин, агьалияр бес кьадар дигидай ва хъвадай целди таъминарунин, эквер тухунин ва ихьтин маса месэлаяр йисаралди давам жезва. Ибур вири поселенидин администрациядиз, Собранидин депутатриз хас месэлаяр я. Абур гьялун патал райондин руководстводи, талукь къуллугъри куьмекарни гузва. Са рахунни алачиз,  виридан куьмекдалди поселенида вилик акъвазнавай месэлаяр гьялиз, кьилиз акъудиз жеда.
      
Хазран Кьасумов 

 

Рейтинг:
@ @ @ . .
Комментарии посетителей:
Оставить комментарий
Кюринские известия
Новости
В Сулейман-Стальском филиале МФЦ «Мои документы» можно оформить документы на объекты межевания
В филиале многофункционального центра оказания государственных и муниципальных услуг «Мои документы», что находится в с.Касумкент Сулейман-Стальского района, размещена межевая группа по оформлению технических и межевых планов домов, квартир и земельных участков. По данному вопросу состоялась беседа корреспондента Касумкентского телевидения Мизамудина Махмудова с курьером-межевиком местного центра Тагиром Маметовым. Как отметил специалист, наличие межевого и технического планов на имуществ...
В Сулейман-Стальском филиале МФЦ «Мои документы» можно оформить документы на объекты межевания
В филиале многофункционального центра оказания государственных и муниципальных услуг «Мои документы», что находится в с.Касумкент Сулейман-Стальского района, размещена межевая группа по оформлению технических и межевых планов домов, квартир и земельных участков. По данному вопросу состоялась беседа корреспондента Касумкентского телевидения Мизамудина Махмудова с курьером-межевиком местного центра Тагиром Маметовым. Как отметил специалист, наличие межевого и технического планов на имуществ...
В Сулейман-Стальском районе прошла научно-практическая конференция «Пути сохранения и развития родного языка в современных условиях в свете изучения лезгинского народного героического эпоса «Шарвили»
29 февраля 2015 года в рамках сохранения, изучения и развития родного языка в Сулейман-Стальском районе на базе Дворца культуры им. И.Г.Тагирова начала работу научно-практическая конференция на тему: «Пути сохранения и развития родного языка в современных условиях в свете изучения лезгинского народного героического эпоса «Шарвили». Мероприятие организовано администрацией муниципального района совместно с научно-исследовательским институтом педагогики имени А.А.Тахо-Годи.  В работе ко...
В Сулейман-Стальском районе прошла научно-практическая конференция «Пути сохранения и развития родного языка в современных условиях в свете изучения лезгинского народного героического эпоса «Шарвили»
29 февраля 2015 года в рамках сохранения, изучения и развития родного языка в Сулейман-Стальском районе на базе Дворца культуры им. И.Г.Тагирова начала работу научно-практическая конференция на тему: «Пути сохранения и развития родного языка в современных условиях в свете изучения лезгинского народного героического эпоса «Шарвили». Мероприятие организовано администрацией муниципального района совместно с научно-исследовательским институтом педагогики имени А.А.Тахо-Годи.  В работе ко...
В Ортастальской сельской библиотеке прошло мероприятие «Береги родной язык!»
В Ортастальской сельской библиотеке Сулейман-Стальского района прошло мероприятие «Береги родной язык!». Мероприятие проведено в целях формирования у подрастающего поколения духовно-нравственного, гражданско-патриотического интереса к изучению историко-культурных ценностей, народных традиций, обычаев и обрядов. В рамках мероприятия был оформлен плакат «Лезгинские обычаи».   
В Ортастальской сельской библиотеке прошло мероприятие «Береги родной язык!»
В Ортастальской сельской библиотеке Сулейман-Стальского района прошло мероприятие «Береги родной язык!». Мероприятие проведено в целях формирования у подрастающего поколения духовно-нравственного, гражданско-патриотического интереса к изучению историко-культурных ценностей, народных традиций, обычаев и обрядов. В рамках мероприятия был оформлен плакат «Лезгинские обычаи».   
В Сулейман-Стальском районе состоялся антинаркотический форум «Матери Дагестана против наркотиков»
Сегодня, 1 марта, в Международный день борьбы с наркоманией и незаконным оборотом наркотиками, в Сулейман-Стальском районе с участием начальника Управления ФСКН России по Республике Дагестан Энрика Муслимова и начальника отдела межведомственного взаимодействия УФСКН РФ по РД, полковника полиции Хасайбат Валиевой прошел антинаркотический форум «Матери Дагестана против наркотиков». Открыл и провел мероприятие глава района Нариман Абдулмуталибов. Форум был нацелен на вовлечение женщин-матерей в раб...
В Сулейман-Стальском районе состоялся антинаркотический форум «Матери Дагестана против наркотиков»
Сегодня, 1 марта, в Международный день борьбы с наркоманией и незаконным оборотом наркотиками, в Сулейман-Стальском районе с участием начальника Управления ФСКН России по Республике Дагестан Энрика Муслимова и начальника отдела межведомственного взаимодействия УФСКН РФ по РД, полковника полиции Хасайбат Валиевой прошел антинаркотический форум «Матери Дагестана против наркотиков». Открыл и провел мероприятие глава района Нариман Абдулмуталибов. Форум был нацелен на вовлечение женщин-матерей в раб...
ALLDAG.ru