И йикъара чи редакциядиз ЦIийи хуьре «Пионерский» куьчеда яшамиш жезвай Дадашева Санияталай чар атана. Ина икI кхьизва: «Гьуьрметлу редакция! Заз куь газетдикай менфят къачуна ЦРБ-дин инфекциядин отделенидин заведующий Саидов Саид Низерметовичаз чухсагъул лугьуз кIанзава.
Ам михьи рикI, ширин мез авай, гъил кьезил, хиве авай везифаяр намуслудаказ кьилиз акъудзавай духтур я. И кар заз зун начагъ хьана инфекционный отделенида къаткайла субут хьана. Дугъриданни, ам тариф авуниз лайихлу кас я.
И йикъара зи кефияр авачиз Саид духтурдиз кIвализ эверна. Ам тади гьалди кIвализ атана, заз килигна, герек диагноз эцигна, ЦРБ-да инфекционный отделенида къаткурна. Ина кьиле Саид Низерметович аваз кIвалахзавай медсестрайрин коллективди чIугвазвай гьакъисагъ зегьмет акурла, зун мягьтел хьана. Абуру вахтунда зи начагъвилин вилик пад кьуна, сагъарна, цIийи дуьньядал акъудна. Заз Саид Саидоваз, ина кIвалахзавай медсестраяр тир Агъададашева Эльмирадиз, Меликова Мислиматаз рикIин сидкьидай чухсагъул лугьуз кIанзава.