Алай вахтунда республикада «Дагестан против наркотиков» лишандик кваз талукь тир серенжемар тешкилунин варз кьиле физва.
Сийидрин юкьван школада и кардиз талукь яз мярекатар кьиле физва. ИкI, вири классра муаллимри, классрин руководителри наркотик чIуру шей тирдакай, адакай инсандиз зиян авайдакай суьгьбетар авуна.
ЧIехи классрин аялар чи райондин наркоотделдин начальникдин заместитель Нуралиев Мурад Мегьамеэминовичахъ галаз гуьруьшмиш хьана. ГъвечIи классрин арада муаллим М.Аслановади «Режим дня и здоровья» эвер гуник кваз ачух тарс кьиле тухвана. Ам гзаф метлеблуди хьана. «Спорт против наркотиков» эвер гуник кваз мектебда классрин арада спортдин акъажунар, ва цлан газетрай ва аялри ягъай шикилрай конкурс кьиле фена. Конкурсда 6-классдин аялар гъалиб хьана.
Ярахмедова Зияфат, Сийидрин юкьван школадин 11-классдин ученица