Герейханово хуьруьн 1-отделенидин участковый больница капитальный ремонт тавуна са шумуд йис тир. Са кьадар ремонтрин кIвалахар инин работникри чпин харжидалди авуна.
И мукьвара райондин ЦЗН-дин руководитель Абдулгьамидов Назира вичин патай 12 агъзур манат пул гана, начагъбур къаткизвай палата ремонт ийиз туна.
Ихьтин мергьеметлувилин кIвалахдик хуьруьнвийри, спонсорри чпин лайихлу пай кутунайтIа гзаф хъсан жедай, - лугьузва участковый больницадин кьилин духтур Эседуллаев Азима. - Ремонтрин кIвалахар кьиле тухудайла, чпин лайихлу пай кутур участковый больницадин работникриз, кьилди райондин ЦЗН-дин руководитель Абдулгьамидов Назир Мегьамедгьадиевичаз чухсагъул лугьуз кIанзава.
Умудзава, ихьтин кьегьал рухвайрилай чешне къачуналди, куьмек гудай ксар майдандиз мадни акъатда.
Вадим Жамалдинов