Алай вахтунда республикада «Дагестан против наркотиков» лишандик кваз талукь тир серенжемар тешкилунин варз кьиле физва.
И важиблу кардиз талукь яз чкайрал, кьилди къачуртIа, мектебриз, культурадин маканриз махсус положенияр агакьарнава. Абурал асаслу яз Куьрхуьруьн 2-нумрадин юкьван мектебда и жигьетдай са жерге кIвалахар авуна.
ИкI, мектебдин саки вири классра муаллимри, классрин руководителри наркотик вуч затI ятIа, инсандиз адакай авай еке зияндикай суьгьбетар авунва. Идахъ галаз сад хьиз, лап хъсан плакат патал «Наркомания-чума XXI-века» эвер гуник кваз аялрин арада конкурсни малумарна ва нетижаярни кьуна. В. Велибегова ва А. Къазиевади тамамарай кIвалахар таъсирлубур хьана.
«Режим дня и здоровье», «Спорт против наркомании», «Живи здорово!» эвер гунрик кваз спортдин акъажунар кьиле фена.
Райсудин Набиев