И йикъара ЦIийи хуьруьн юкьван мектебда терроризмдихъ галаз женг чIугунин рейсадвилин йикъаз талукьарнавай митинг кьиле фена. Ам тербиядин рекьяй школадин директордин заместитель Н. Женетханова ачухна.
Митинг Бесланда терактдин нетижада телеф хьайибур рикIел хкун яз са декьикьада чуькь тавуна акъвазунилай башламиш хьана. Сифте гаф анал и цIарарин автор рахана.
Ахпа анал тарихдин тарсар гузвай муаллим Гьажиева Оксанади чи уьлкведа ва республикада общественный гьалар къизгъинарун патал террористрин гьерекатрикай, абурун аксина кьабулзавай серенжемрикай суьгьбет авуна. Гуьгъуьнлай митингдал 11 «в» классдин аялар тир Мейланов Муслим ва Нежведилова Саида и жигьетдай чпин фикирар гваз рахана. Аялри терроризмдиз чпин аксивал гъилера авай плакатрилайни ачухдиз къалурзавай. Абурал «Чаз дяве кIандач!», «Терроризм квадра!», «Чаз ислягьвал кIанда!» ва маса гафар кхьенвай.
Ахпа митингдал Урусатдин Яракьлу къуватрин ветеран, отствакада авай полковник Гьажимурадов Абдулаким рахана. Ада алай вахтунда гьукуматди терроризмдихъ галаз гьихьтин женг тухузватIа, вири халкьди терроризм негьзавайдакай лагьана. Жегьилар чи гележег тирди, абуру хъсандиз кIелна ва кIвалахна кIанзавайдикай лагьана.
Эхирдай анал школадин завуч Мирзеханов Сулеймана митингдал кьабулай къарар кIелна.
Н. Женетханов