Алай йисан 22-июлдиз «Сулейман-Стальский район» муниципальный райондин вад лагьай сеферда эвер ганвай депутатрин Собранидин 12-заседание кьиле фена.
Адан кIвалахда муниципальный райондин Кьил, депутатрин Собранидин Председатель Абдулмуталибов Нариман Шамсудиновича, администрациядин Кьил Мегьамедханов Штибег Гьажимегьамедовича, адан заместителри, администрациядин управленийринни отделрин начальникри, райондин Собранидин депутатри, хуьрерин поселенийрин кьилери, теклифнавай маса юлдашри иштиракна.
Заседание Нариман Шамсудинович Абдулмуталибова ачухна ва кьиле тухвана.
Анал агъадихъ галай месэлайриз килигна:
1. Муниципальный райондин Кьил Н. Ш. Абдулмуталибоваз отпускадай эвер хъувунин гьакъиндай.
2. «Чпи государстводин хсусият чара тавунвай хуьрерин поселенийрин, муниципальный райондин хсусиятда авай чилерин арендадин гьакъидин кьадар, гьакIни къайда, шартIар ва чилин арендадин гьакъи гунин вахтар тайинарунин гьакъиндай» Положение тестикьарунин гьакъиндай.
3. «Чилер чкадин метлеб авай кьетIен къайдада хвена кIанзавай чилерик кутунин, абур ишлемишунин ва хуьнин къайдадин гьакъиндай» Положение тестикьарунин гьакъиндай.
4. Чпин государстводин хсусият чара тавунвай ва чеб муниципальный райондин хсусиятда авай «Сулейман-Стальский район» муниципальный райондин сергьятда авай чилерин къимет тайинарунин ва къалурнавай чилерин участокар ва абурал алай дараматар, эцигунар, тадаракар кьилдин ксариз маса гудайла абурун гьакъи тайинарунин къайдадин гьакъиндай» Положение тестикьарунин гьакъиндай.
5. «Сулейман-Стальский район» муниципальный райондин сергьятда авай ва чеб хуьрерин поселенийрин муниципальный тешкилатрин хсусиятда авай чилерин участокар ва гьакIни чпин государстводин хсусият чара тавунвай муниципальный райондин хсусиятда авай чилер гунин къайдадин гьакъиндай» Положение тестикьарунин гьакъиндай.
6. Муниципальный райондин депутатрин Собраниди 2012-йисан 27-декабрдиз 83-нумрадик кваз кьабулай «2012-йис ва 2014-2015-йисарин пландин девирда муниципальный бюджетдин гьакъиндай» къарардик дегишвилер кухтунин гьакъиндай».
7. Районда багъманчивал ва продукция гьялдай промышленность авай гьалдикай ва вилик тухунин мумкинвилерикай.
8. «Сулейман-Стальский районда 2013-2020-йисара интенсивный багълар кутун» муниципальный тайин метлебдин Программа тестикьарунин гьакъиндай.
Заседанидал алай месэлайрай муниципальный эменнидин ва чиликай менфят къачунин управленидин начальник Р. М. Бабаева, экономикадин ва информационный технологийрин управленидин начальникдин заместитель С. А. Вагьабовади, УСХ-дин начальник М. М. Бабаева информацияр авуна.
Анал гьакI ККЗ-дин директор Р. Я. Абумуслимов, лесхоздин хаммал гьялдай цехдин начальник И. Ш. Шихбабаев, райондин Собранидин депутат М. З. Мегьамедов рахана.
Эхирдай Нариман Шамсудинович Абдулмуталибова заседанидал килигай вири месэлайрин важиблувал къейдна, кIвалах хъсанардай месэлаяр къалурна, талукь къуллугърин вилик везифаяр эцигна.
Заседанидал кьабулай къарарар газетдин нубатдин нумрада гуда.
