1994-йисуз РД-дин Конституция кьабулун гзаф миллетрикай ибарат Дагъустандин халкьдин государственностдин тарихда лап важиблу вакъиа хьана, ида общественный уьмуьр тешкилунин демократвилин дибар вилик финиз, адалатлу государство кIвачел акьалтуниз куьмек гана. РД-дин Дибдин Закон республикадин кьадар-кьисметдин ва гележегдин патахъай дагъустанвийрин вини дережадин жавабдарвал къалурунин лишан я. Ада чи халкь тарихда вичи хкянавай рекьиз вафалу тирди тестикьарна ва Россиядин федеративный государстводик кваз Дагъустандин садвал ва битаввал хуьнин барадай халкьдихъ кIеви къаст авайди субутарна.
Дагъустан Республикадин бинеда авай асул принципри муракаб шартIара республикада общественный, политикадин жигьетдай мягькем гьалар, миллетрин арада ислягьвал хуьниз куьмек гана.
Гзаф миллетрин векилрикай ибарат Дагъустандин халкьди эхиримжи йисара вичел ацалтай гзаф кьадар имтигьанриз лайихлудаказ дурум гана.
За районэгьлийриз милли сувар-Дагъустан Республикадин Конституциядин югъ рикIин сидкьидай мубаракзава. Заз районэгьлийрихъ мягькем сагъламвал, ислягьвал ва хушбахтвал, Дагъустанди ва Россияди цуьк акъудун патал агалкьунар хьун кIанзава.
«Сулейман-Стальский район» муниципальный райондин Кьил Н. Абдулмуталибов
