Магьсулдарар патал виридалайни жавабдар вахт алукьнава: абурун вилик йисан кьиляй-кьилиз зегьмет чIугуна гьасилнавай техилдин бегьер кIватI хъувунин везифа акъвазнава.
Райондин хуьруьн майишатдин управленидай чаз лагьайвал, районда гад кIватI хъувунив сифтебурукай яз «Горец» ООО, «Новый путь» СПК, гьакIни ЦIийи Макьарин, Эминхуьруьн ва Курхуьруьн арендаторар-магьсулдарар эгечIна.
Куьруь са вахтунда «Зардиян», «Даркуш» ООО-ра, «Арсен» КФХ-да, арендаторар тир Кьасумов Славика (15 гектардай), Гьамзатов Эльмана (58 гектардай) чпин кIвачихъ галай никIерай техилар кIватIна акьалтIарнава.
Санлай къачурла, икьван чIавалди районда 500 гектардай гад агуднава, анрин гьар са гектардай 23 центнер техил вахчунва.
Районда гад агудунин кIвалахар хъсан тешкиллувал аваз давам жезва.
Х. Гьажибалаев.