Сулейман-Стальский райондин 70 йис тамам хьуниз талукьарнавай ктабдиз материалар гьазурдайла, райондин архивдин зеведиш Роза Исламовади заз лагьанай: «Чи амледин хва, полковник Насруллагьан тIвар ктабда хьурай гьа, ада сифтебурукай яз Юрий Гагарин къаршиламишайди я. Гележегда ада чаз шикилни жагъурна гъида лагьана хиве кьунай».
Вучиз ихьтии баркаллу хцикай халкьдиз хабар авач?! Ада дуьньяда сад лагьай космонавт къаршиламишнай эхир!
Ам вуч кас тир?
Насруллаев Насруллагь Сулейман-Стальский райондин Ивигрин хуьряй я.
Ам кьве дяведин-финрихъ галаз хьайи ва Ватанднп ЧIсхи дяведин иштиракчи тир. Октябрни Насруллагь таяр я. Дяведилай гуьгъуьниз ада Саратовский областдин Энгельс шегьерда авай высший военный училищедин са кафедрадин начальниквилин къуллугъдал кIвалахза-вай. Гележегда и училище космосдин рекьяй тарихдани гьатна.
1961-йисан 12-апрель. И юкъуз чи уьлкве вири дуьньядиз машгьур хьанай. 12-апрелдин пакамахъ полковникдиз сад лагьай космонавт Юрий Гагарин къаршиламишунин буйругъ гана. Ада гьасятда команда тешкилна.
Гагарин ацукьдай чка Саратовский областда тайинарнавай.
Ингье тарихдин метлеб авай зурба вакъиа. Дуьньяда машгьур жезвай кьегьал хва къаршиламишайдалай кьулухъ генерал А.Каманинан дестени агакьзава.
Ахпа училищеда Гагаринахъ галаз гуьруьшмиш хьана.
Насруллагь Шагьгреевич 80-йисан яшда аваз ирид йис идалай вилик рагьметдиз фена. Ам вичин уьмуьрдин эхирдалди Ленинградский област¬дин Пушкино шегьерда яшамиш хьана.
Мукьва-кьилийри рикIел хкайвал, хуьруьз хтайла, ада кьил чIугун тавур кас тадачир, гзафбуру ам, са урус гафни кутан тийиз, михьи лезги чIалал рахадайла, гьейранвални ийидай.
Роза Исламовади чаз лагьайвал, и гатфариз, Насруллагьахъ галаз санал къуллугъ авур юлдашрикай Ленинградда ктаб чапна куьтягьзава. А ктабда 6-7 чар адан уьмуьрдиз, кIвалахдиз, агалкьунриз бахшнава.
И ктаб агакьайвалди чна Насруллагьакай вуч кхьенватIа кIелзавай-бур хабардар хъийида.
Шагьабудин Шабатов