Пака Асланан дустар хъфизвай Бакудиз. Адаз хуьряй вуч ракъурдатIа фикирзавай кьуьзуь Бигиди.
Са цIуд кака, гъеридал ругуна, вугудай меслятдал атана кьуьзуь баде. ГъвечIи катулдин юкьварал кьван гъери цана адак цIуд кака кутуна...
- Ма, зи хва, ибур Асланаз зи патай Яран суварин савкьват, - лагьана, ада Тарланав какаяр вугана.
- Ибур вучар я, я баде? – жузуна Тарлана.
- Абур чIемел ругур какаяр я ман, - лагьана Бигиди.
- Я Биги баде, какаяр гъеридал ргадайди туш, цел ргадайди я, цел...
- ТIуьрай зи Аслана вичиз чIемел ругур какаяр!!! – дамахдивди лагьана яшлу бадеди.
Бакудиз хъфидалди Тарланакай хъуьруьн хкат тийиз хьана. Бигиди ругур какайрин тариф хуьруьз чкIана. Сиве мез авай кьванда «ТIуьрай зи Аслана чIемел ругур какаяр!» - лугьуз, лезет хкудзавай. Биги баде акурла, гъвечIи Асиятани кваз : «ТIуьрай зи Аслана тIидал югур кукуяр!» - лугьуз, тикрарзавай...
М. Мегьамедов, муаллим