Муниципальный райондин администрациядин заседанийрин залда «Россиядин ватанпересар» партиядин векилар тир Фикрет Ражабов, Альберт Алиметов, Ибрагьим Къазибеков, Рафик Асланбеков ва Агьмед Азизов райондин активдихъ ва сечкичийрихъ галаз гуьруьшмиш хьана. Атанвай мугьманрихъ галаз танишаруналди, и мярекат райондин администрациядин кьилин заместитель С. М. Велиева ачухна.
Гуьгъуьнилай анал «Россиядин ватанпересар» партиядин векилар рахана, РД-дин Халкьдин Собранидиз тухудай сечкийра иштиракдай мумкинвилерикай, партиядин программадикай, ада вилик эцигнавай везифайрикай гегьеншдиз лагьана. Малум хьайивал, «Россиядин ватанпересар» партияди вичикай 2006-йисуз хабар гана. Адалай инихъ регионра партиядин членрин кьадар 7000-дав агакьнава. Партияди парламентдин сечкийра иштиракзава. ИкI, партиядихъ республикадин парламентда фракция хьана, ана 5 касди халкьдин интересар хуьзва.
- «Ватанпересри» 13-мартдиз кьиле фидай сечкийрин вахтундани агалкьун къазанмишуник умудар кутазва, - къейдна чпин рахунра партиядин векилри.