28-февралдиз райадминистрациядин заседанийрин залда райондин депутатрин Собранидин 25-сессия кьиле фена. Адан кIвалахда райондин Собранидин депутатрилай гъейри аниз теклифнавай районда авай федеральный ва республиканский органрин руководителри, хуьрерин поселенийрин кьилери, райадминистрациядин управленийрин ва отделрин руководителри, школайрин директорри, хуьруьн майишатдин карханайрин, общественный тешкилатрин руководителри, гьакIни ДР-дин Халкьдин Собранидин депутат Мегьамедов Гьамидуллагь Исмаиловича иштиракна.
Сессия муниципальный райондин Кьил, райондин депутатрин Собранидин Председатель Абдулмуталибов Нариман Шамсудиновича ачухна ва кьиле тухвана.
Сессиядал йикъан агъадихъ галай месэлайриз килигна:
1. Муниципальный райондин Кьили, муниципальный райондин администрацияди 2010-йисуз авур кIвалахдин гьакъиндай гьахъ-гьисаб.
2. «Сулейман-Стальский район» муниципальный райондин Уставдик дегишвилер кухтунин жигьетдай» къарардин проект кьабулунин гьакъиндай.
3. «Сулейман-Стальский район» муниципальный райондин муниципальный эменни приватизация авунин жигьетдай Положение тестикьарунин гьакъиндай.
4. Сулейман-Стальский муниципальный райондин муниципальный хсусиятдин яшайишдинбур тушир дараматар кирида вугунин ва киридин гьакъи гунин къайдадин ва шартIарин жигьетдай Положение тестикьарунин гьакъиндай.
5. «Сулейман-Стальский район» муниципальный райондин общественный Советдин жигьетдай Положение тестикьарунин гьакъиндай.
6. Сулейман-Стальский райондин жегьилрин парламентдин жигьетдай Положение тестикьарунин гьакъиндай.
7. Муниципальный райондин администрациядин къурулуш тестикьарунин гьакъиндай.
8. Муниципальный райондин вичи-вич идара ийидай органра муниципальный къуллугъдин къуллугъар эвез ийизвайбуруз материальный куьмек гунин къайдадин жигьетдай Положение тестикьарунин гьакъиндай.
9. «2011-йис патал муниципальный райондин бюджетдин гьакъиндай» муниципальный райондин депутатрин Собранидин къарарда дегишвилер тунин гьакъиндай.
Сессиядал алай йикъан сад лагьай месэладай анал доклад муниципальный райондин Кьил Абдулмуталибов Нариман Шамсудиновича авуна.